rKTs

e-texts navigator

Volume

Page

209a₁ rwa dang mtshungs shing rtag pa dang / bsam gyis mi khyab pa de ni tshig gi rnam par rtog pa tsam du 'gyur te/ mu stegs can rnams la nyes pa de lta bu dag yod do/ /de ci'i phyir zhe na/ 'di lta ste/ tshig rnam par rtog pa yang ri bong gi rwa dang 'dra bas
209a₂ rang gi rgyu'i mtshan nyid kyi dngos po yod pa ma yin no/ /blo gros chen po nga'i rtag pa dang / bsam gyis mi khyab pa'i rgyu ni so so rang gis rig pa 'phags pa'i ye shes khong du chud pa'i mtshan nyid kyi phyir byas pa'i dngos po dang / dngos po med pa rnam par spangs pas
209a₃ rtag pa yin gyis phyi rol gyi dngos po rnams dngos po med cing mi rtag par gyur nas rjes su dpag pas rtag pa nyid du brtags pa ni ma yin no/ /blo gros chen po gal te yang phyi rol gyi dngos po rnams dngos po med cing mi rtag pa las rjes su dpag pas rtag pa dang bsam gyis mi khyab
209a₄ pa nyid du rtog par byed na/ bsam gyis mi khyab pa'i rang gi rgyu'i mtshan nyid mi shes so/ /blo gros chen po de dag ni so so rang gis rig pa 'phags pa'i ye shes khong du chud pa'i spyod yul las shin tu thag ring por gyur pa ste/ de dag la bshad par mi bya'o/ /gzhan yang
209a₅ blo gros chen po 'khor ba'i rnam par rtog pa'i sdug bsngal gyis 'jigs pas mya ngan las 'das pa yongs su tshol te/ 'khor ba dang mya ngan las 'das pa'i khyad par mi shes pas dngos po thams cad las rnam par rtog pa dngos po med pa dang / ma 'ongs pa'i dbang po
209a₆ rnams kyi yul chad pa la mya ngan las 'das par 'du shes te/ so so rang gis rig pa 'phags pa'i ye shes kun gzhi gyur pa sngon du btang ba ma yin no/ /de'i phyir blun po de dag theg pa gsum du smra ba yin te/ sems tsam du snang ba rnams snang ba med par ni mi smra'o/ /de lta
209a₇ bas na blo gros chen po de dag ni 'das pa dang / ma 'ongs pa dang / da ltar byung ba'i de bzhin gshegs pa rnams kyis gsungs pa'i rang gi sems snang ba'i spyod yul mngon par mi shes shing / sems nyid kyis phyi rol gyi spyod yul du snang ba la mngon par zhen par/ 'khor ba'i

_{iiif viewer powered by OpenSeadragon}

208b - 209b

Texts on this page