rKTs

e-texts navigator

Volume

Page

208a₁ ba la bslab par mi bya'o/ /blo gros chen po dngos por rnam par rtog pa'i rang bzhin la mngon par zhen pa'i mtshan nyid kyi nyan thos gang zhe na/ 'di lta ste/ 'byung ba chen po dang / sngon po dang / ser po dang / dmar po dang / dkar po dang /
208a₂ sra ba dang / gsher ba dang / dro ba dang / g.yo ba rnams byed pa med par skye ba dang / rang dang spyi'i mtshan nyid kyi sngon gyi rgyal ba rnams kyis legs par gsungs pa mthong nas de dag la rang bzhin gyi rnam par rtog pa 'byung ste/ byang chub sems dpa' sems dpa' chen
208a₃ pos de dag khong du chud par byas nas yongs su spang bar bya'o/ /chos la bdag med pa'i mtshan nyid kyi rjes su zhugs pas gang zag la bdag med pa'i mtshan nyid du lta ba bzlog nas sa rnams rim gyis mtshams sbyor ba rnam par gzhag pa la gnas/ blo gros chen po 'di
208a₄ ni nyan thos rnams kyi dngos por rnam par rtog pa'i rang bzhin la mngon par zhen pa'i mtshan nyid ces bya'o/ /de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das kyis rtag pa dang /
208a₅ bsam gyis mi khyab pa/ so so rang gis rig pa 'phags pa'i spyod yul dang / don dam pa'i spyod yul bka' stsal pa de bcom ldan 'das mu stegs can gyis smra ba'i rtag pa dang / bsam gyis mi khyab pa'i rgyu dang rkyen zhig ma lags sam/ bcom ldan 'das kyis
208a₆ bka' stsal pa/ blo gros chen po mu stegs can rnams kyi rgyu dang rkyen gyis rtag pa dang / bsam gyis mi khyab pa 'thob par mi 'gyur ro/ /de ci'i phyir zhe na/ mu stegs can rnams kyis rtag pa dang / bsam gyis mi khyab pa ni rgyu'i rang gi mtshan nyid las grub pa ma yin
208a₇ te/ gal te rtag pa dang bsam gyis mi khyab pa'i rgyu rang gi mtshan nyid las grub pa ma yin na/ rgyu gang gis rtag pa dang / bsam gyis mi khyab pa mngon par byed/ gzhan yang blo gros chen po ci ste rtag pa dang / bsam gyis mi khyab pa rgyu'i rang gi mtshan nyid las grub

_{iiif viewer powered by OpenSeadragon}

207b - 208b

Texts on this page