rKTs

e-texts navigator

Volume

Page

207a₁ mkhan gyis rtswa dang shing dang gyo mo la brten te/ sgyu ma sna tshogs kyis sems can rnams kyi dbyibs dang / gzugs tha dad pa byas pa la rnam par rtog pa sna tshogs skyed par byed de/ rnam par rtog pa de dag ni yang dag pa ma yin no/ /de
207a₂ bzhin du blo gros chen po gzhan gyi dbang gi rang bzhin la brten nas kun du brtags pa'i rang bzhin 'byung ngo / /rnam par rtog pa'i sems sna tshogs dang / rnam pa mang po'i mtshan nyid dang / dngos por rnam par rtog pas mngon par zhen pa'i bag chags la yongs su rtog
207a₃ pas blo gros chen po 'di ni kun du brtags pa'i rang bzhin rnam par rtog pa las skye ba zhes bya ste/ blo gros chen po 'di ni rten gyi sangs rgyas kyis bshad pa'o/ /blo gros chen po chos nyid kyi sangs rgyas ni sems kyi rang bzhin gyi mtshan nyid dang bral ba rang gis rig pa 'phags pas
207a₄ dmigs par bya ba'i spyod yul rnam par gzhog go/ /blo gros chen po sprul pas sprul pa'i sangs rgyas ni sbyin pa dang / tshul khrims dang / bzod pa dang / brtson 'grus dang / bsam gtan dang / sems dang / ye shes dang / shes rab dang / phung po dang / khams dang /
207a₅ skye mched dang bral ba dang / rnam par thar pa dang / rnam par shes pa'i mtshan nyid dang / rnam par 'byed cing so sor rab tu rtog pa rnam par gzhag pa dang / mu stegs can gyi lta ba dang / gzugs med pa'i lta ba las shin tu 'das pa'i mtshan nyid ston to/ /blo gros
207a₆ chen po gzhan yang chos nyid kyi sangs rgyas ni dmigs pa med cing dmigs pa dang bral ba/ bya ba dang / dbang po dang / tshad ma'i mtshan nyid thams cad las rnam par ldog pa/ byis pa so so'i skye bo dang / nyan thos dang / rang sangs rgyas dang / mu stegs can dag gis
207a₇ mtshan nyid la mngon par zhen pa dang / mngon par chags pa rnams kyi spyod yul ma yin pa/ 'phags pa rang gis rig pa'i spyod yul gyi mtshan nyid kyis rnam par gzhag pa ston to/ /de lta bas na blo gros chen po 'phags pa so so rang gis rig pa'i khyad par gyi mtshan nyid

_{iiif viewer powered by OpenSeadragon}

206b - 207b

Texts on this page