rKTs

e-texts navigator

Volume

Page

206a₁ dang rnam par shes/ /rang bzhin dang ni chos lnga dang / /bdag med yongs su dag gnyis ni/ /rnam par 'dren pas rab tu gsungs/ /ring thung yod med la sogs pa/ /phan tshun ltos nas rab tu skye/ /med pa'i phyir ni yod pa grub/ /
206a₂ yod pa'i phyir ni med pa grub/ /dngos po rdul du rnam phye ste/ /gzugs kyi rnam rtog mi skyed do/ /sems tsam rnam par gzhag pa'i gnas/ /lta ba ngan pas mos mi 'gyur/ /'jig rten mgon pos gsungs pa yi/ /rang gi spyod yul gang yin pa/ /rtog pa can gyi yul
206a₃ ma yin/ /de bzhin nyan thos kyi yang min/ /de nas byang chub sems dpa' blo gros chen pos rang gi sems snang ba'i rgyud rnam par dag par bya ba'i phyir bcom ldan 'das la 'di skad ces gsol to/ /bcom ldan 'das rang gi sems snang ba'i rgyud ji ltar rnam par dag par
206a₄ bgyi/ cig car ram 'on te rim gyis lags/ bcom ldan 'das kyis bka' stsal pa/ blo gros chen po rim gyis rnam par 'dag gi /cig car ni ma yin te/ dper na shing a mra'i 'bras bu ni rim gyis smin par 'gyur gyi cig car ma yin no/ /de bzhin du de bzhin
206a₅ gshegs pas sems can rnams kyi rang gi sems snang ba'i rgyud yongs su sbyong ba yang rim gyis rnam par 'dag gi cig car ma yin no/ /dper na rdza mkhan snod rnams byed pa ni rim gyis byed de/ cig car ma yin no/ /de bzhin du de bzhin gshegs pas sems can
206a₆ rnams kyi rang gi sems snang ba'i rgyud yongs su sbyong ba yang rim gyis rnam par 'dag gi cig car ma yin no/ /dper na sa chen po las rdzas rnams rim gyis skye'i cig car skye ba ma yin no/ /de bzhin du de bzhin gshegs pas sems can rnams kyi rang gi sems snang ba'i rgyud
206a₇ yongs su sbyong ba yang rim gyis rnam par 'dag gi cig car ma yin no/ /dper na mi la la rol mo dang / yi ge dang / ri mo dang / bzo sna tshogs slob pa rim gyis mngon par 'grub par 'gyur gyis cig car ma yin no/ /de bzhin du de bzhin gshegs pas sems can rnams

_{iiif viewer powered by OpenSeadragon}

205b - 206b

Texts on this page