| e-texts navigator |
| བོད་ཡིག |
205b1 mngon par zhen pa nam mkha'i cha ris legs par khong du ma chud pa rnams 'di skad du/ nam mkha' ni gzugs dang bral ba'o zhes cha ris su lta ba'i rnam par rtog pa skyed par byed de/ blo gros chen po nam mkha' ni gzugs pa yin te/ gzugs kyi 'byung ba'i rjes su
205b2 zhugs pa'o/ /blo gros chen po gzugs ni nam mkha'i 'dzin pa dang / 'dzin par bya ba'i gnas kyis rnam par gzhag pa'i dngos por gzugs dang / nam mkha'i dngos po rab tu 'byed par shes par bya'o/ /blo gros chen po 'byung ba chen po rnams skye ba na rang gi mtshan
205b3 nyid so so tha dad de/ nam mkha' la yang mi gnas so/ /de dag la yang nam mkha' med pa yang ma yin no/ /de bzhin du blo gros chen po ba lang gi rwa yod pa la ltos pa'i phyir ri bong gi rwa med pa yin te/ blo gros chen po ba lang gi rwa yang rdul phra mor rnam par 'phye
205b4 ste/ rdul phra mo yang rab tu bshig na skad cig tsam du yang mi gnas na de ci las ltos te med ces brjod/ gal te gzhan las ltos pa'i rdzas shig go zhe na/ de yang de lta bu'i chos can no/ /de nas bcom ldan 'das kyis byang chub sems dpa' sems dpa'
205b5 chen po blo gros chen po la 'di skad ces bka' stsal to/ /blo gros chen po ri bong gi rwa dang ba lang gi rwa dang / nam mkha' dang / dbyibs dang / gzugs tha dad par lta ba'i rnam par rtog pa yongs su spangs nas/ khyod la sogs pa byang chub sems
205b6 dpa' sems dpa' chen po rnams kyis rang gi sems snang ba'i rnam par rtog pa yid la sems shing sangs rgyas kyi zhing thams cad du 'jug pa dang / rgyal ba'i sras rnams la rang gi sems snang ba la rab tu rtog pa'i sbyor ba bstan par bya'o/ /de nas bcom ldan
205b7 'das kyis don de nyid yang bstan pa'i phyir tshigs su bcad pa 'di dag gsungs so/ /gzugs sogs sems ni med pa dang / /gzugs sogs sems ni rab 'phel dang / /lus dang longs spyod rnam gzhag pa/ /kun gzhi sems can snang yin te/ /sems dang yid
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u