| e-texts navigator |
| བོད་ཡིག |
205a1 chen po gal te yang yod pa dang med pa dang bral bas ri bong gi rwa ltar med do snyam du rtog na log par rtog pa zhes bya ste/ de dag phan tshun du ltos pa'i rgyu'i phyir ri bong gi rwa med do snyam du brtag par mi bya'o/ /rdul phra rab kyi bar du brtags na yang dngos po mi
205a2 dmigs pas/ blo gros chen po 'phags pa'i spyod yul dang bral ba ba lang gi rwa yod par brtag par mi bya'o/ /de nas byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to/ /bcom ldan 'das gang rnam par mi rtog pa thob
205a3 pa des/ mi skye ba'i mtshan nyid mthong nas/ rjes su dpag pas shin du bsams nas/ rnam par rtog pa mi skye ba so sor rab tu rtog pa la ma mchis pa zhes bgyi ba lags sam/ bcom ldan 'das kyis bka' stsal pa/ blo gros chen po rnam par rtog pa mi skye bar so sor rab
205a4 tu rtog pa la med pa zhes bya ba ni ma yin no/ /de ci'i phyir zhe na/ rnam par rtog pa ni rgyu des skye ba'i phyir de la brten nas rnam par rtog pa skye'o/ /'di ltar rwa la brten nas rnam par rtog pa skye bas de'i phyir brten pa'i rgyu zhes bya ba'i phyir dang / tha dad pa dang / tha dad pa ma yin
205a5 pa rnam par spangs pa'i phyir rnam par rtog pa mi skye bar so sor rab tu rtog pa la rwa med ces bya ba ni ma yin no/ /blo gros chen po gal te rnam par rtog pa dang / tha dad na ni rwa'i rgyu las byung ba ma yin par 'gyur ro/ /ci ste tha dad pa yin na ni de'i rgyu las byung ba'i phyir rdul phra
205a6 rab kyi bar du brtags na mi dmigs te/ rwa dang tha dad pa ma yin pa'i phyir de yang dngos por ma yin no/ /de gnyi ga yang dngos po med na chos gang gis ci'i phyir med ces brjod/ blo gros chen po gal te med pa'i phyir ri bong gi rwa med na yod pa la ltos pa'i phyir ri bong gi rwa med
205a7 ces brtag par mi bya'o/ /blo gros chen po yang dag pa'i rgyu ma yin pa'i phyir yod pa dang / med par smra ba gnyi ga 'grub par mi 'gyur ro/ /blo gros chen po gzhan yang mu stegs kyi lta ba can gzugs kyi dngos po dang / dbyibs dang / gnas su brtags pa'i chos la
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u