rKTs

e-texts navigator

Volume

Page

203b₁ ni/ /rtog dang brtag par rab tu spangs/ /rgyal ba'i sras la 'di bstan gyi/ /byis pa la ni gzhan rab 'byed/ /ji ltar sgyu ma sna tshogs dag /snang yang yang dag ma yin te/ /de bzhin bshad pa sna tshogs kyang / /bya ba'i rjes su gzhag pa yin/ /bshad pa 'thun par
203b₂ ma gyur pa/ /de la bshad pa ma yin 'gyur/ /ji ltar nad pa so so la/ /sman mkhas dpyad rnams bstan pa ltar/ /de bzhin gshegs pas sems can la/ /mos pa ji bzhin rab tu ston/ /brtse bas rab tu gsungs pa yi/ /so so rang gi spyod yul ni/ /rtog ge pa yi
203b₃ yul ma yin/ /nyan thos rnams kyang skal yod min/ /gzhan yang blo gros chen po byang chub sems dpa' sems dpa' chen po gang gis rang gi sems snang ba'i gzung ba dang / 'dzin pa rnam par rtog pa'i spyod yul yongs su shes par 'dod pas 'du ba dang / 'du 'dzi
203b₄ dang / gnyid yongs su spang bar bya'o/ /srod dang / tho rangs dang / nam gyi gung thun la bdag nyid rtag tu dran pa dang ldan zhing mi nyal bar sbyor ba la rab tu brtson par bya'o/ /lta ba ngan pa rnams kyi bstan bcos dang / gtam dang / nyan thos dang / rang sangs rgyas
203b₅ kyi theg pa'i mtshan ma yongs su spang bar bya'o/ /rang gi sems snang ba'i rnam par rtogs pa'i mtshan nyid khong du chud par rtogs par bya'o/ /gzhan yang blo gros chen po byang chub sems dpa' sems dpa' chen pos ye shes dang / shes rab kyi mtshan nyid dgod pa la gnas
203b₆ nas/ gong du 'phags pa'i ye shes kyi mtshan nyid gsum la rab tu brtson pas bsgrub par bya'o/ /gong du brtson zhing bsgrub par bya ba'i ye shes kyi mtshan nyid gsum po de yang gang zhe na/ 'di lta ste/ snang ba med pa'i mtshan nyid dang / sangs rgyas thams cad
203b₇ kyi rang gi smon lam gyi gnas kyi mtshan nyid dang / 'phags pa so so rang gis rig pa'i ye shes mthar thug pa'i mtshan nyid de/ rnal 'byor pas de dag khong du chud pas bong bu theng po lta bu'i sems dang / shes rab dang / ye shes kyi mtshan nyid spangs te/ rgyal ba'i sras

_{iiif viewer powered by OpenSeadragon}

203a - 204a

Texts on this page