| e-texts navigator |
| བོད་ཡིག |
203a1 med pas 'dzin pa'ang med/ /dba' rlabs de dang rab tu mtshungs/ /longs spyod lus dag rnam gzhag pa/ /sems can snang ba'i rnam shes yin/ /de las las rnams snang bar byed/ /dper na rgya mtsho'i rlabs dang mtshungs/ /de nas byang chub
203a2 sems dpa' blo gros chen pos yang tshigs su bcad de gsol pa/ rgya mtsho'i dba' rlabs dngos po ni/ /gar bgyid g.yo bas rig 'gyur la/ /kun gzhi las kyang de ltar na/ /ci yi slad du blos mi rig /de nas bcom ldan 'das kyis tshigs su bcad de bka' stsal pa/
203a3 byis pa blo dang mi ldan pas/ /kun gzhi rgya mtsho 'dra ba dang / /las kyi mtshan nyid rlabs lta bu'i/ /dpe la brten nas rtogs par 'gyur/ /de nas byang chub sems dpa' blo gros chen pos yang tshigs su bcad de gsol pa/ skye bo bzang ngan bar ma la/ /gdugs ni mnyam par
203a4 shar ba bzhin/ /bde gshegs 'jig rten snang mdzad pa'ang / /byis pa rnams la yang dag chos/ /rab tu rnam 'byed gsung rigs na/ /ci slad yang dag gsung mi mdzad/ /de nas bcom ldan 'das kyis tshigs su bcad de bka' stsal pa/ ci ste yang dag bshad du ni/ /
203a5 de yi sems la yang dag med/ /ji ltar rgya mtsho'i dba' rlabs dang / /me long gzugs brnyan rmi lam dag /de dag thams cad cig car snang / /sems kyi spyod yul de bzhin no/ /yul rnams dang ni mi ldan phyir/ /rim gyis las dag 'jug cing skye/ /rnam par shes pas
203a6 rnam par rig / yid ni de bzhin sems par byed/ /lnga po dag ni snang bar 'gyur/ /de la nges pa med/ /ji ltar ri mo'i mkhan po dang / /ri mo mkhan gyi slob ma dag /ri mo'i don du tshon 'gyed ltar/ /nga yi bshad pa'ang de bzhin no/ /tshon la ri mo yod ma yin/ /
203a7 smyig gu dang ni gzhi la med/ /sems can dga' ba bskyed pa'i phyir/ /tshon gyis ri mo mngon par bsgrubs/ /bshad pa dag ni gzhan phyir spyod/ /yang dag nyid ni yi ge spangs/ /rnam 'byed las ni dang po pa/ /rnal 'byor pa la yang dag bstan/ /so so rang rig yang dag
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u