rKTs

e-texts navigator

Volume

Page

202a₁ bsam gtan dang ting nge 'dzin la mnyam par bzhag pa bag chags shin du phra rab 'jug pa rnams mi shes pa de dag 'di snyam du/ bdag cag rnam par shes pa bkag nas snyoms par zhugs so snyam du sems kyang yang dag par rnam par shes pa
202a₂ bkag nas snyoms par zhugs pa ma yin te/ 'di ltar bag chags kyi sa bon shin tu phra ba ma 'gags pa'i phyir ma 'gags pa'o/ /yul la 'jug cing 'dzin pa dang mi ldan pa'i phyir ni 'gags pa'o/ /blo gros chen po de ltar shin tu phra ba'i kun gzhi rnam par shes pa de mthar
202a₃ thug par rtogs pa ni de bzhin gshegs pa dang / sa la rab tu gnas pa'i byang chub sems dpa' rnams ma gtogs par gzhan nyan thos dang / rang sangs rgyas dang / mu stegs can gyi rnal 'byor pa rnams kyis thob pa'i ting nge 'dzin dang / shes rab kyi stobs kyis kyang
202a₄ rtogs par mi nus so/ /gzhan du na sa'i mtshan nyid dang / shes rab dang / ye shes dang / thabs la mkhas pa rnam par 'byed pa dag tshig gi don rab tu dbye ba la rnam par gdon mi za ba rgyal ba mtha' yas pa rnams las dge ba'i rtsa ba yongs su bsags pa dang / rang gi sems
202a₅ snang ba la rnam par rtog pa'i spros pa dang bral ba ri dang nags tshal stug po dang / shing khrod na gnas shing rnal 'byor tha ma dang / 'bring dang / rab tu bsgoms pa rnams kyis rang gi sems kyi rnam par rtog pa'i rgyud mthong ba dang / zhing tshad med pa'i sangs rgyas rnams kyis dbang
202a₆ bskur ba dang / dbang dang stobs dang / mngon par shes pa dang / ting nge 'dzin dang / dge ba'i bshes gnyen sangs rgyas kyi sras kyi 'khor rnams kyang 'thob par 'gyur te/ des sems dang / yid dang / rnam par shes pa dang / rang gi sems snang ba'i rang
202a₇ bzhin gyi spyod yul spros pa'i mtshan nyid rig cing 'khor ba srid pa'i rgya mtsho dang / las dang / sred pa dang / mi shes pa la sogs pa'i rgyu las rgyal bar nus so/ /de lta bas na/ blo gros chen po rnal 'byor pa rnams kyis dge ba'i bshes gnyen rgyal ba rnams la

_{iiif viewer powered by OpenSeadragon}

201b - 202b

Texts on this page