rKTs

e-texts navigator

Volume

Page

201b₁ chen po rkyen rnam pa bzhi'i phyir mig gi rnam par shes pa 'jug ste/ bzhi gang zhe na/ 'di lta ste/ rang gi sems snang ba 'dzin par khong du ma chud pa dang / thog ma med pa'i dus nas spros pa'i gnas ngan len gyi gzugs kyi bag chags la mngon par zhen pa
201b₂ dang / rnam par shes pa'i rang bzhin gyi ngo bo nyid dang / gzugs rnam pa sna tshogs kyi mtshan nyid mthong bar 'dun pa'o/ /blo gros chen po 'di ni rgyu rkyen bzhi po chu klung gi gnas dang / kun gzhi rnam par shes pa las 'jug pa'i rnam par shes pa'i rlabs 'byung ba
201b₃ zhes bya'o/ /blo gros chen po mig gi rnam par shes pa ji lta ba bzhin du dbang po thams cad kyi rdul phra rab dang / spu'i khung bu lhan cig skye ba dang / rim gyis yul gyi rjes su skye ba yang de bzhin te/ ji ltar me long rab tu gsal ba'i nang du gzugs brnyan snang ba
201b₄ bzhin no/ /blo gros chen po dper na/ rlung rab tu drag pos rgya mtsho chen po'i chu rab tu skyod par byed pa de bzhin du/ phyi rol gyi yul gyi rlung gis kyang sems kyi rgya mtsho bsgul bas rnam par shes pa'i rlabs rnams rgyun mi 'chad de/ rgyu dang bya ba'i mtshan nyid tha dad pa dang /
201b₅ tha dad ma yin pa gcig tu 'dres pa/ las dang skye ba'i mtshan nyid la shin tu mngon par zhen pa dang / gzugs la sogs pa'i rang gi ngo bo nyid mi rtogs pas de'i phyir rnam par shes pa'i tshogs lnga 'jug go/ /blo gros chen po rnam par shes pa'i tshogs lnga po de dag dang lhan
201b₆ cig pa'i rgyu la bye brag gis rnam pa'i mtshan nyid khong du chud par byed pas yid kyi rnam par shes pa'i rgyu ni de'i lus kyi rjes su 'jug pa yin par rig par bya'o/ /de dag 'di snyam du bdag cag ni phan tshun gcig gi rgyu gcig byed do snyam du mi sems te/ 'on kyang
201b₇ rang gi sems snang ba la rnam par rtog pas mngon par zhen pa 'jug cing de dag so so nas 'jig pa'i mtshan nyid dang lhan cig tu 'jug go/ /yul gyi rnam pa'i bye brag 'byed pa ni 'di lta ste/ de dag 'jug pa'o/ /blo gros chen po ji ltar rnal 'byor pa dag

_{iiif viewer powered by OpenSeadragon}

201a - 202a

Texts on this page