rKTs

e-texts navigator

Volume

Page

200b₁ mthong ba dang / rjod pa dang / brjod par bya ba dang / brtag pa dang / brtag par bya ba dang bral ba/ longs spyod dang / lus su kun gzhi rnam par shes pa rnam par gzhag pa dang / rnam par shes pa'i yul gzung ba dang / 'dzin pa dang / mi 'thun pa dang / snang ba med pa'i
200b₂ spyod yul skye ba dang / gnas pa dang / 'jig pa spong ba dang / rang gi sems las byung ba tsam du rjes su 'jug cing rnam par 'byed na/ blo gros chen po byang chub sems dpa' de dag ni ring por mi thogs par 'khor ba dang / mya ngan las 'das pa mnyam pa nyid dang /
200b₃ snying rje chen po dang / thabs la mkhas pa dang / rtsol ba med pa'i sbyor ba 'thob par 'gyur ro/ /blo gros chen po sems can gyi khams de dag thams cad sgyu ma dang mtshungs pa dang / rgyu dang rkyen la mi brtson pa dang / phyi nang gi yul las rnam par dben pa dang / sems
200b₄ las phyi rol du mi mthong bas rim gyis mtshan ma med pa'i gnas su 'jug pa dang / rim gyis sa nas sar ting nge 'dzin gyi spyod yul la 'jug pa dang / khams gsum sgyu ma lta bur shin tu mos shing so sor rab tu rtog pas sgyu ma lta bu'i ting nge 'dzin rab tu 'thob par 'gyur ro/ /
200b₅ rang gi sems snang ba las 'das shing snang ba med pa la 'jug pas shes rab kyi pha rol tu phyin pa la gnas pa rjes su thob par byed pa dang / de dag gi sbyor ba skyed pa rab tu spangs pas rdo rje lta bu'i ting nge 'dzin thob nas de bzhin gshegs pa'i sa la 'jug par 'gyur ro/ /
200b₆ de bzhin nyid kyi rjes su 'jug pa'i sprul pa mngon par shes pa dang / dbang dang / snying rje dang / thabs kyis rab tu brgyan pa/ sangs rgyas kyi zhing thams cad du cig car 'jug pa/ mu stegs can gyi gnas su nye bar 'gro ba/ sems dang yid dang / rnam par shes
200b₇ pa dang bral bas byang chub sems dpa' de gnas gyur pa'i rim gyis de bzhin gshegs pa'i sku 'thob par 'gyur ro/ /blo gros chen po de bas na de bzhin gshegs pa'i rjes su 'jug pa'i sku'ang 'thob par 'dod pa rnams kyis phung po dang / khams dang / skye mched dang /

_{iiif viewer powered by OpenSeadragon}

200a - 201a

Texts on this page