rKTs

e-texts navigator

Volume

Page

200a₁ ni nges par 'gag par mi 'gyur te/ de'i blo gros chen po rnam par shes pa rnams kyi rang gi yang dag pa'i mtshan nyid 'gag pa ma yin gyi/ las kyi mtshan nyid 'gag go/ /gal te rang gi yang dag pa'i mtshan nyid kyang 'gag pa yin na ni/ kun
200a₂ gzhi rnam par shes pa yang 'gag par 'gyur te/ blo gros chen po kun gzhi rnam par shes pa 'gag par 'gyur ba yin na ni/ mu stegs can chad par smra ba dang / tha mi dad par 'gyur ro/ /blo gros chen po mu stegs can de dag ni 'di skad du smra ste/ 'di lta ste/ 'di ltar
200a₃ yul rnams la 'dzin pa 'gags par gyur na/ rnam par shes pa'i rgyun 'gag par 'gyur ro zhes zer te/ gal te rnam par shes pa'i rgyun 'gags pa yin na ni/ thog ma med pa'i dus kyi rgyun kyang chad par 'gyur ba'i rigs so/ /blo gros chen po mu stegs can rnams
200a₄ rgyun skye ba'i rgyu ni mig gi rnam par shes pa gzugs dang / thabs ni rgyu dang 'bras bu'i rang gi mtshan nyid du yod la 'das pa dang / ma 'ongs pa dang / da ltar byung ba ni sa bon yod pa dang / sa bon med pa'i mtshan nyid do zhes zer te/ de ni sngon gcig nas gcig tu rigs pa'i
200a₅ dngos po brgyud de 'ongs pa rtog ge pa'i rjes su 'jug cing rang gi lta ba'i nyes pa'i bag chags kyis bsgos pas de skad du ston te/ blo gros chen po de ltar byis pa so so'i skye bo rnams lta ba ngan pas zin pa log pa'i gya gyus rab tu rmongs pa dang myos pa'i mi shes pa rnams du 'di
200a₆ ni thams cad mkhyen pas bstan to zhes zer ro/ /blo gros chen po gal te yang dge sbyong ngam/ bram ze gang la la chos thams cad rang bzhin dang bral ba sprin dang mgal me'i 'khor lo dang / dri za'i grong khyer dang mtshungs pa dang / ma skyes pa sgyu ma dang / smig rgyu dang / chu'i
200a₇ zla ba dang / rmi lam lta bu dang / nang dang phyi rol du sems snang ba rnam par rtog pa dang / thog ma med pa'i dus kyi rnam par spros pa rang gi sems kyi rnam par rtog pa las logs shig na med pa dang / rgyu dang rkyen 'gags shing zad par gyur na/ rnam par rtog pa dang bral bar

_{iiif viewer powered by OpenSeadragon}

199b - 200b

Texts on this page