rKTs

e-texts navigator

Volume

Page

199b₁ kyi dngos po'i rang bzhin don dam pa'i snying po'o/ /dngos po'i rang bzhin don dam pa'i snying po de dang ldan pas de bzhin gshegs pa rnams 'jig rten pa dang / 'jig rten las 'das pa dang / 'jig rten las 'das pa mchog gi chos 'phags pa'i shes rab kyi spyan yongs su
199b₂ rdzogs nas rang dang spyi'i mtshan nyid rnam par dgod pa la 'jug cing ji lta ba bzhin du rnam par dgod pas mu stegs can gyi smra ba dang / lta ba ngan pa dang thun mong du mi 'gyur ba yin no/ /blo gros chen po ji ltar na mu stegs can gyi smra ba dang / lta ba ngan pa dang / thun mong
199b₃ ma yin zhe na/ 'di lta ste/ rang gi yul la rnam par rtog pa'i lta bar khong du ma chud pa dang / rang gi rnam par shes pa'i sems snang ba tsam du ma rtogs pas/ blo gros chen po byis pa so so'i skye bo rnams dngos po dang / dngos po med pa'i rang bzhin don dam pa la lta
199b₄ ba gnyis su smra bar gyur to/ /gzhan yang blo gros chen po dus kyi rnam par rtog pas yongs su bsgos pa'o/ /dmigs pa zhes bya ba ni 'di lta ste/ rang gi sems snang ba la rnam par shes pa'i yul du rnam par rtog pa'o/ /blo gros chen po dper na 'jim pa'i gong bu dang /
199b₅ rdul phra rab ni tha dad pa yang ma yin/ tha mi dad pa yang ma yin no/ /gser dang rgyan yang de bzhin te/ /blo gros chen po gal te 'jim pa'i gong bu dang / rdul phra rab gnyis tha dad pa zhig yin na ni de dag las brtsams pa ma yin par 'gyur na/ de ni yang dag par
199b₆ de dag las brtsams pas na de'i phyir tha dad pa ma yin no/ /ci ste tha mi dad na ni 'jim pa'i gong bu dang / rdul phra rab bye brag med par 'gyur ro/ /de bzhin du blo gros chen po 'jug pa'i rnam par shes pa rnams kun gzhi rnam par shes pa yang dag pa'i mtshan nyid
199b₇ dang / gal te tha dad pa zhig yin na kun gzhi rnam par shes pa rgyu ma yin par 'gyur ro/ /de ste tha dad pa ma yin na ni 'jug pa'i rnam par shes pa 'gags na/ kun gzhi rnam par shes pa yang 'gag par 'gyur ba zhig na/ 'di ltar rang gi yang dag pa'i mtshan nyid

_{iiif viewer powered by OpenSeadragon}

199a - 200a

Texts on this page