| e-texts navigator |
| བོད་ཡིག |
199a1 gros chen po dper na rdza ma chag nas gyo mor gyur pa ni rdza ma'i bya ba mi byed do/ /sa bon tshig pa yang myu gu'i bya ba mi byed de/ de bzhin du blo gros chen po phung po dang / khams dang / skye mched kyi dngos po dag 'gags pa dang / 'gag pa dang /
199a2 'gag par 'gyur ba ni rang gi sems kyi rnam par rtog pas mthong ste/ rgyu med pa'i phyir de dag ni rim gyis skye ba med do/ /blo gros chen po gal te sa bon med pa'am/ sa bon yod pa las rnam par shes pa rnams rkyen gsum dang phrad pa las skye ba zhig yin na ni rus sbal las
199a3 spu skye ba dang / bye ma las kyang 'bru mar 'byung bar 'gyur ba'i rigs te/ 'o na ni khyod kyi dam bcas pa las nyams shing nges pa'i don dang yang 'gal bar 'gyur ro/ /sa bon yod pa dang / sa bon med par bshad pa la nyes pa de lta bu yod pas bya ba dang las byas
199a4 pa rnams don med par 'gyur ro/ /blo gros chen po mu stegs can de dag rkyen gsum phrad pa las skye zhes bya ba yang bya ba dang / snang ba 'dus pa las skye ba ma yin gyi/ gud na tha dad pa'i rgyu yod do zhes smra'o/ /blo gros chen po rgyu de ni gtso bo dang / mchog dang / skyes
199a5 bu dang / dbang phyug dang / dus dang / rdul phra mo rnams so/ /gzhan yang blo gros chen po rang bzhin rnam pa bdun yod de/ 'di lta ste/ 'du ba dngos po'i rang bzhin dang / mtshan nyid kyi rang bzhin dang / 'byung ba chen po'i dngos po'i rang bzhin dang / rgyu'i rang bzhin dang /
199a6 rkyen gyi rang bzhin dang / mngon par grub pa'i rang bzhin no/ /gzhan yang blo gros chen po don dam pa rnam pa bdun yod de/ 'di lta ste/ sems kyi spyod yul dang / shes rab kyi spyod yul dang / ye shes kyi spyod yul dang / lta ba'i spyod yul dang / lta ba gnyis las
199a7 'das pa'i spyod yul dang / sras kyi sa las 'das pa'i spyod yul dang / de bzhin gshegs pa nyid byon pa'i spyod yul te/ blo gros chen po 'di dag 'das pa dang / ma 'ongs pa dang / da ltar gyi de bzhin gshegs pa dgra bcom pa yang dag par rdzogs pa'i sangs rgyas
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u