rKTs

e-texts navigator

Volume

Page

198a₁ kyi tshig dang / gnas ma yin pa'i tshig dang / yi ge'i tshig dang / yi ge ma yin pa'i tshig ste/ blo gros chen po tshig brgya rtsa brgyad po 'di dag ni sngon gyi sangs rgyas rnams kyis brjod pa yin te/ khyod dang byang chub sems dpa'
198a₂ sems dpa' chen po rnams kyis bslab par bya'o/ /de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das rnam par shes pa rnams kyi skye ba dang / gnas pa dang / 'gag pa rnam
198a₃ pa du mchis/ bcom ldan 'das kyis bka' stsal pa/ blo gros chen po rnam par shes pa rnams kyi skye ba dang / gnas pa dang / 'gag pa la rnam pa gnyis gnyis yod de/ rtog ge pa rnams kyis shes par bya ba ma yin no/ /rnam par shes pa rnams kyi skye ba
198a₄ yang rnam pa gnyis te/ 'di lta ste/ rgyun skye ba dang / mtshan nyid skye ba'o/ /gnas pa yang rnam pa gnyis te/ 'di lta ste/ rgyun gnas pa dang / mtshan nyid gnas pa'o/ /'gag pa yang rnam pa gnyis te/ 'di lta ste/ rgyun 'gag pa dang / mtshan nyid
198a₅ 'gag pa'o/ /de la rnam par shes pa rnams kyi mtshan nyid ni rnam pa gsum ste/ 'di lta ste/ 'jug pa'i mtshan nyid dang / las kyi mtshan nyid dang / yang dag pa'i mtshan nyid do/ /blo gros chen po mdor bsdu na ni rnam par shes pa gsum yod do/ /rgyas par
198a₆ bshad na ni mtshan nyid rnam pa brgyad yod de/ rnam pa gsum po dag gang zhe na/ 'di lta ste/ yang dag pa'i rnam par shes pa dang / snang ba'i rnam par shes pa dang / dngos po so sor rnam par rtog pa'i rnam par shes pa'o/ /blo gros chen po dper na me
198a₇ long rab tu gsal bas gzugs brnyan rnams 'dzin par byed pa de bzhin du snang ba'i rnam par shes pa snang ba yang de bzhin no/ /blo gros chen po snang ba'i rnam par shes pa dang / dngos po so sor rnam par rtog pa'i rnam par shes pa de gnyis ni 'jig pa dang /

_{iiif viewer powered by OpenSeadragon}

197b - 198b

Texts on this page