rKTs

e-texts navigator

Volume

Page

194b₁ ni gang / /rgyal ba'i sras ni de dag dang / /rang rgyal dang ni nyan thos dag /rgyu gang gis na 'gyur brgyar 'gyur/ /rgyu gang gis ni snang med brgya/ /'jig rten mngon shes ji lta bu/ /'jig rten 'das kyi'ang ji lta bu/ /sems ni sa rnams bdun por yang / /ci ltar ci slad bdag la
194b₂ gsungs/ /dge 'dun la ni rnam pa du/ /ji ltar dge 'dun dben du 'gyur/ /sems can gso ba'i bstan bcos rnams/ /de dag rgyu rkyen gang gis lags/ /ci slad thub pa chen po yis/ /'od srung 'khor ba 'jig dang ni/ /gser thub kyang ni nga yin zhes/ /de
194b₃ skad du ni bka' yang stsal/ /ci slad rtag dang chad pa dang / /de bzhin bdag dang bdag med gsungs/ /ci slad du ni thams cad du/ /yang dag don ni gsung mi mdzad/ /sems can dag gi slad du yang / /sems tsam du ni dbye ba mdzad/ /ci slad skyes bu na chung tshal/ /
194b₄ a ru ra dang skyu ru ra/ /ke la sa dang khor yug ri/ /rdo rje la sogs ri bo rnams/ /rin chen sna tshogs rab brgyan cing / /drang srong dri zas kun gang ba/ /ji ltar ci slad bdag la gsungs/ /bla med 'jig rten mkhyen pa yis/ /theg chen sgrol ba'i sgo rnams dang / /
194b₅ sangs rgyas kun gyi snying po mchog /de yi tshigs bcad gsan pa dang / /legs so dris pa rab tu legs/ /blo gros chen po legs par nyon/ /ngas ni deng 'dir rim bzhin du/ /khyod kyis gang dris bshad par bya/ /skye dang skye ba med pa dang / /mya ngan 'das
194b₆ stong skad cig ma/ /rang bzhin med la 'jug par 'gyur/ /sangs rgyas pha rol phyin rnams dang / /rgyal sras dang ni nyan thos dang / /rang rgyal mu stegs can rnams dang / /gzugs med pa yi spyod rnams dang / /de bzhin dngos po sna tshogs rnams/ /ri rab mtsho
194b₇ bran ri rnams dang / /gling dang zhing dang sa rnams dang / /gza' skar nyi ma zla ba dang / /mu stegs lha dang lha ma yin/ /rnam thar dbang dang mngon shes dang / /stobs dang bsam gtan ting nge 'dzin/ /'gog dang rdzu 'phrul rkang pa dang / /byang chub yan lag lam gyi phyogs/ /

_{iiif viewer powered by OpenSeadragon}

194a - 195a

Texts on this page