rKTs

e-texts navigator

Volume

Page

194a₁ ngan pa'i mi rnams ji lta bu/ /rgyu gang gis ni ngan par 'gyur/ /tshig drug gis ni ji ltar bsdus/ /'dod chen par yang ji ltar 'gyur/ /skyes pa bud med ma ning rnams/ /de dag thams cad ci slad 'byung / /rnal 'byor las ni ji ltar ldog /
194a₂ rnal 'byor ji ltar skye bar 'gyur/ /rnal 'byor pas ni chos gang gis/ /ci 'dra'i gang zag rnam par 'jog /sems can 'gro bar skye ba rnams/ /mtshan nyid mtshan ma'i rnam pa ci/ /phyug por gyur pa ji lta bu/ /rgyu gang gis ni phyug por 'gyur/ /shAkya'i rigs
194a₃ ni ji lta bu/ /ci yi rgyu yis shAkya byung / /bu ram shing pa ji ltar byung / /bla med gtso bos bshad du gsol/ /yun ring dka' thub drang srong gang / /des ni ji ltar rjes su ston/ /de bzhin gshegs pa zhing rnams su/ /mtshan dang de bzhin gzugs sna tshogs/ /rgyal
194a₄ ba'i sras kyis bskor ba yang / /ci yi slad du kun na gda'/ /ci slad sha rnams gsol mi mdzad/ /ci slad sha ni rab tu bkag /sha za'i rigs su skyes pa rnams/ /rgyu gang gis ni sha 'tshal lags/ /nyi zla'i dbyibs shing ji lta bu/ /ri rab pad+ma 'dra ba dang / /seng ge
194a₅ mtshan mchog zhing dag dang / /'jig rten gzur gnas spyi'u tshugs dang / /dbang po'i dra ba 'dra ba dang / /kha cig rin chen kun gyi zhing / /dgu po rgyud rnga 'dra dang / /me tog sna tshogs dbyibs 'dra dang / /kha cig nyi zla'i 'od dang bral/ /'dri la sogs pa tshad ma
194a₆ mchis/ /sprul pa'i sangs rgyas ji lta bu/ /rnam smin las byung sangs rgyas dang / /de bzhin nyid kyi sangs rgyas ci/ /ye shes sangs rgyas ji lta bu/ /ci slad 'dod pa'i khams rnams su/ /mngon par rdzogs par 'tshang mi rgya/ /ci yi slad du 'og min pa/ /chags bral
194a₇ khrod du byang chub brnyes/ /bde gshegs mya ngan 'das nas ni/ /yang dag bstan pa su zhig 'dzin/ /lha yi ston pa ji srid bzhugs/ /yang dag chos ni ji srid gnas/ /grub mtha' dang ni lta ba yang / /de dag la ni rnam pa du/ /'dul ba dang ni dge slong ris/ /ci slad rgyu dang rkyen

_{iiif viewer powered by OpenSeadragon}

193b - 194b

Texts on this page