| e-texts navigator |
| བོད་ཡིག |
193a1 bgyi/ /rnam grol gang du mchi bar 'gyur/ /gang la 'ching zhing gang dag dgrol/ /bsam gtan spyod yul ji lta bu/ /ji slad theg pa gsum po mchis/ /bdag la bstan cing bshad du gsol/ /rkyen rnams gang las skye ba lags/ /byed
193a2 dang byas pa ji lta bu/ /gnyi ga tha dad ci slad bshad/ /ji lta bur na 'phel ba lags/ /gzugs med snyoms par 'jug pa dang / /'gog pa'i snyoms 'jug ji lta bu/ /'du shes 'gog pa ji lta bu/ /ting nge 'dzin las ji ltar sad/ /ci yi slad du byas pa
193a3 'byung / /'gro ba dang ni lus 'dzin ci/ /ji ltar rnam rtog snang bar 'gyur/ /sa rnams ji ltar skye bar 'gyur/ /srid gsum 'jig pa de su zhig /gnas ni gang lags lus ni ci/ /skye gnas gang du bgrod par 'gyur/ /rgyal ba'i sras su ji ltar 'gyur/ /
193a4 mngon par shes dang dbang rnams dang / /ting 'dzin rnams ni ji ltar 'thob/ /ting 'dzin sems ni ji lta bu/ /rgyal bas bdag la bshad du gsol/ /ci slad kun gzhi zhes bgyi lags/ /yid dang rnam shes ji lta bu/ /skye dang 'jig pa ji lta bu/ /ji ltar
193a5 mthong nas slar yang ldog / ji lta bur na rigs su 'gyur/ /rigs ma mchis dang sems tsam dang / /sgro 'dogs mtshan nyid ji lta bu/ /bdag med don du ji ltar 'gyur/ /sems can ma mchis ji lta bu/ /kun rdzob bshad pa ji lta bu/ /ji ltar rtag dang chad
193a6 pa yi/ /lta ba rab tu 'byung mi 'gyur/ /ji ltar sangs rgyas mu stegs dag /mtshan nyid rnams kyis 'gal mi 'gyur/ /ji ltar ma 'ongs dus dag na/ /sde pa tha dad 'byung bar 'gyur/ /ji ltar stong nyid rgyu ci yis/ /ji ltar skad cig 'jig par 'gyur/ /
193a7 mngal gyi snying por ji ltar skye/ /ji ltar 'jig rten gyis mi g.yos/ /ji ltar sgyu ma rmi lam 'dra/ /de bzhin dri za'i grong khyer dang / /'jig rten smig rgyu lta bu dang / /chu zla dang ni 'od dag dang / /byang chub yan lag ci slad gsungs/ /de bzhin byang chub phyogs
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u