| e-texts navigator |
| བོད་ཡིག |
192a1 @#/ /'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus
192a2 gcig na/ bcom ldan 'das lho phyogs kyi rgya mtsho'i 'gram lang ka'i ri'i rtse mo rin po che'i me tog sna tshogs kyis bkod pa na/ dge slong gi dge 'dun chen po dang / byang chub sems dpa' sems dpa' chen po'i tshogs sangs rgyas kyi zhing sna tshogs tha dad pa
192a3 nas 'dus pa dag dang thabs cig tu bzhugs te/ byang chub sems dpa' sems dpa' chen po de dag thams cad kyang tshad med pa'i ting nge 'dzin dang / dbang po dang / stobs dang / mngon par shes pas rnam par rtsen pa sha stag la/ byang chub sems
192a4 dpa' sems dpa' chen po blo gros chen po ni gtso bor gyur te/ sangs rgyas thams cad kyi phyag gis spyi bo nas dbang bskur bas dbang bskur ba/ rang gi sems snang ba'i spyod yul gyi don la rab tu mkhas pa/ sems can sna tshogs kyi sems dang / gzugs
192a5 sna tshogs dang / 'dul ba'i sgo tshad med pa rnams ji lta ba bzhin du kun du ston pa/ chos lnga dang / rang bzhin dang / rnam par shes pa dang / bdag med pa gnyis rtogs par khong du chud pa'o/ /de nas byang chub sems dpa' blo gros chen po/ byang
192a6 chub sems dpa' blo gros dang / sangs rgyas kyi zhing thams cad du rgyu ba dag dang lhan cig tu/ sangs rgyas kyi mthus stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ thal mo sbyar te phyag 'tshal
192a7 nas bcom ldan 'das la tshigs su bcad pa 'di dag gis mngon par bstod do/ /'jig rten skye 'jig yongs bral te/ /nam mkha'i me tog rab tu 'dra/ /ye shes yod med mi dmigs kyang / /thugs rje chen po rab tu skye/ /chos rnams thams cad sgyu ma
iiif viewer powered by OpenSeadragon
Texts on this page
D108 - 'phags pa lang kar gshegs pa rin po che'i mdo las sangs rgyas thams cad kyi gsung gi snying po zhes bya ba'i le'u