| e-texts navigator |
| བོད་ཡིག |
287a1 bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun chen po dang / byang chub sems dpa'i dge 'dun chen po dang thabs cig tu bzhugs te/ lha dang / klu dang / gnod sbyin dang / dri za dang / lha ma yin
287a2 dang / nam mkha' lding dang / mi 'am ci dang / lto 'phye chen po dang / mi dang / mi ma yin pa du mas yongs su bskor te/ mdun gyis bltas nas chos ston to/ /de'i tshe byang chub sems dpa' seng ge'i rgyal po bkod pa zhes bya ba zhig 'khor der 'dus par gyur te 'dug pa des 'khor gyi dkyil 'khor chen po de mthong nas ltad mor
287a3 gyur te/ de stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag gis sangs rgyas 'byung ba bye ba khrag khrig phrag du ma zhig 'das na gang gi
287a4 'khor gyi dkyil 'khor yang bcom ldan 'das kyi ci 'dra ba de 'dra bar ma gyur lags so/ /bcom ldan 'das bdag gi zhu ba bstan pa 'di'i lan stsal du gsol/ byang chub sems dpa' gzhan dag gis thos na yang dbugs phyin par 'gyur lags so/ /de nas bcom ldan 'das kyis thams cad dang ldan pa'i 'khor yang dag par gzengs
287a5 stod pa'i phyir byang chub sems dpa' seng ge'i rgyal po bkod pa la 'di skad ces bka' stsal to/ /rigs kyi bu nyon cig dang dris pa lan gdab pa dkyil 'khor brgyad ces bya ba'i chos kyi rnam grangs gang ngas sngon so so'i skye bo'i dus na kun tu bsten cing bsgoms te lan mang du byas pa de bstan par bya'o/ /rigs kyi bu 'das pa'i dus na
287a6 sngon byung ba'i de bzhin gshegs pa dgra bcom pa yang dag par rdzogs pa'i sangs rgyas snang ba bsam gyis mi khyab pa zhes bya ba bzhugs te/ 'tsho zhing gzhes la chos kyang ston to/ /de'i dus na khyim bdag drag shul can gyis byin zhes bya ba zhig shin tu ma dad cing yid du mi 'ong ba'i chos lnga dang ldan zhing / chos 'dul ba la
287a7 rgyab kyis phyogs so/ /dge slong rnam par rgyal ba 'byung ba zhes bya ba zhig khyim bdag de la snying brtse ba'i phyir yang dang yang du rgyun mi 'chad par khyim bdag de'i khyim du 'gro'o/ /re zhig na dus kyi mthus khyim bdag de dge slong de la rjes su chags pa dang bcas pa'i sems su gyur nas/ re zhig na khyim bdag des legs par bya ba'i las
iiif viewer powered by OpenSeadragon
Texts on this page
D105 - 'phags pa dkyil 'khor brgyad pa ces bya ba'i chos kyi rnam grangs theg pa chen po'i mdo