rKTs

e-texts navigator

Volume

Page

9a₁ 'di la nyi khri chig stong yod pa dang / spyod pa gzhan gtogs pa brgyad khri bzhi stong du gyur pa de dag kyang byang chub sems dpas so sor brtags nas thams cad gsal bar rtogs par 'gyur te/ 'di lta ste dper na sman pa mkhas pa nad dang sman gtong ba rab tu
9a₂ shes pa bzhin du rtsol ba med pa'i ye shes kyis chos rnam pa sna tshogs ston par byed pa gang yin pa 'di ni byang chub sems dpa' sems dpa' chen po rnams kyi cha mnyam pa spyod pa'i gter zhes bya'o/ /byang chub sems dpa' gang gis gter 'di thob par gyur na sems can rnams kyi ched
9a₃ du bskal pa 'am/ bskal pa las lhag par de dag mos pa ji lta ba bzhin du brjod pa rnam pa sna tshogs kyi thabs mkhas pas chos ston par byed kyang spyod pa de dag gi mtha' yang rnyed par mi 'gyur la/ byang chub sems dpa' de'i shes rab dang spobs pa yang gtugs par mi 'gyur te/
9a₄ 'di ni byang chub sems dpa'i chos kyi dbyings dbyer med pa'i mtshan nyid legs par bshad pas thob pa'i cha mnyam pa'i spyod pa'i gter zhes bya'o// //bam po gnyis pa ste tha ma/ gzhan yang glog thob byang chub sems dpa' des de lta bu'i ye shes yongs su
9a₅ rdzogs par gyur pas sems can rnams kyi dbang po dang / spyod pa dang / bsam pa yang thabs mkhas pas rab tu rtogs pas gal te 'dod chags mang ba'i sems can mthong bar gyur na/ de dag rab tu gdul zhing de dag gi nad gso ba'i phyir so so'i skye bo dang 'thun par 'dod pa rnams la
9a₆ yongs su spyod pa dang / bu dang / chung ma dang / khyim gyi so chis phun sum tshogs pa ston par byed kyang pad ma bzhin du des gos zhing mngon par zhen par gyur pa med do/ /sems can gang gti mug cing blo dang mi ldan pa de dag ni byang chub sems dpa' thabs mkhas pa mi shes pas 'di
9a₇ snyam du blo dang ldan pa su zhig so so'i skye bo dang tha mi dad par 'dod pa rnams nyams su len par byed ces byang chub sems dpa' de la 'di ni byang chub spangs pa yin no snyam du sems par byed do/ /sems can de lta bu de dag ni sems yongs su mi gtsang ba'i phyir zhe sdang chen po skyes nas gus

_{iiif viewer powered by OpenSeadragon}

8b - 9b

Texts on this page