rKTs

e-texts navigator

Volume

Page

8b₁ ba ji lta bu yin zhe na/ 'di lta ste dper na me long gi dkyil 'khor shin tu dag cing yongs su gsal ba dri ma med pa lam gyi bzhi mdor bzhag na gzugs brnyan rnams der snang zhing 'phel ba dang 'grib pa med kyang me long gi dkyil 'khor de bdag gis gzugs brnyan rnam pa sna tshogs 'di
8b₂ dag ston par byed do zhes mi sems mod kyi/ 'on kyang me long gi dkyil 'khor de shin tu legs par byi dor byas na gzugs brnyan gyi rnam pa thams cad rang gi ngang gis rab tu snang bar 'gyur ro/ /de bzhin du byang chub sems dpa' yang chos kyi dbyings kyi me long gi dkyil 'khor shin
8b₃ t u legs par byi dor byas pas rtsol ba med pa'i ting nge 'dzin la gnas nas sems can rnams kyi sems kyi spyod pa'i bye brag ji lta ba bzhin du chos kyi sgo mo brgya stong du ma rnam par phye ste bstan nas de dag thams cad rab tu rtogs shing rnam par grol ba thob par byas kyang chos kyi mtshan ma dang
8b₄ sems can gyi mtshan ma skyed par mi byed do/ /de ci'i phyir zhe na/ byang chub sems dpa' des chos kyi dbyings kyi mtshan nyid shin tu legs par rtogs pa'i phyir dang / spyod pa bzhi po 'di dag dang mtshungs par ldan pa'i sems can gang yin pa de dag yang dag pa ji lta ba bzhin du rab tu
8b₅ rtogs pas de dag gi dbang po dang / rang bzhin ji lta ba bzhin du chos ston par byed kyang chos kyi dbyings dang / sems can gyi khams yang dag pa ji lta ba bzhin du so sor rtog par byed pas gnyis su 'gyur ba'i mtshan nyid kyang med de/ chos kyi dbyings dang / sems can gyi khams
8b₆ ji snyed pa de dag gnyis su med cing tha dad pa med par gsal bar mthong ba'i phyir ro/ /glog thob 'di lta ste dper na nam mkha' la ni tha dad pa rnam pa sna tshogs kyi mtshan ma yang med la rnam par gzhag pa yang med do/ /de bzhin du byang chub sems dpa' yang chos kyi dbyings shin
8b₇ tu legs par so sor brtags nas chos thams cad mtshan nyid gcig tu 'jug par rtogs pa dang / sngon gyi smon lam gyi mthus sems can gyi spyod pa ji lta ba bzhin du chos rnam pa sna tshogs ston par byed kyang chos kyi dbyings la ni tha dad du gyur pa med do/ /glog thob cha mnyam pa'i spyod pa

_{iiif viewer powered by OpenSeadragon}

8a - 9a

Texts on this page