rKTs

e-texts navigator

Volume

Page

8a₁ par so sor brtags nas rang gi ngang gis chos kyi sgo mo brgya stong du ma bstan te/ sems can de dag gi ma rig pa'i las kyi 'du byed bsal nas rnam par grol ba 'thob par byed do/ /glog thob 'di lta ste dper na sman pa bzang po nad mang po gso ba la mkhas pa/
8a₂ sngar sman dpyad rnams la shin tu goms par gyur pa ni nad kyi mtshan ma mthong ma thag tu sngags dang sman btang ba thams cad rab tu rtogs par gyur pas des gsos pa gang yang mi sos pa med do/ /de bzhin du byang chub sems dpa' yang 'di ltar chos kyi dbyings shin tu legs par
8a₃ rtogs pas rtsol ba med pa'i ye shes kyis gti mug gi spyod pa bsags pa'i sems can de dag gi dbang po dang / rang bzhin ji lta ba bzhin du chos kyi sgo mo brgya stong du ma bstan nas thams cad rab tu gsal bar rtogs par byed de/ glog thob 'di ni byang chub sems dpa' sems
8a₄ dpa' chen po rnams kyi gti mug spyod pa'i gter zhes bya'o/ /byang chub sems dpa' gang gis gter 'di thob par gyur na rten cing 'brel par 'byung ba shin tu legs par so sor brtags nas gti mug spyod pa'i sems can de dag gi ched du bskal pa'am/ bskal pa las lhag
8a₅ par de dag gi rang bzhin dang / 'dun pa ji lta ba bzhin du tshig 'bru dang / yi ge dang / brjod pa rnam pa sna tshogs kyi thabs mkhas pas chos ston par byed kyang gti mug spyod pa'i mtha' yang rnyed par mi 'gyur la/ byang chub sems dpa' de'i shes rab dang spobs pa yang gtugs
8a₆ par mi 'gyur te/ 'di ni byang chub sems dpa' chos thams cad dbyer med pa'i mtshan nyid legs par bshad pas thob pa'i gti mug spyod pa'i gter zhes bya'o/ /'di ltar gti mug gi spyod pa nyi khri chig stong dang / spyod pa gzhan gtogs par brgyad khri bzhi stong du gyur pa de dag byang chub
8a₇ sems dpas yongs su spang ba'i phyir chos kyi sgo mo brgya stong du ma rab tu phye nas yang dag par ston pa gang yin pa 'di ni byang chub sems dpa'i gti mug spyod pa'i gter ces bya'o/ /gzhan yang glog thob byang chub sems dpa' sems dpa' chen po rnams kyi cha mnyam pa'i spyod pa'i gter zhes bya

_{iiif viewer powered by OpenSeadragon}

7b - 8b

Texts on this page