rKTs

e-texts navigator

Volume

Page

7a₁ po la gnas te/ sngon gyi smon lam yang yongs su rdzogs par byed la/ rtsol ba med pa'i ye shes kyis sems can gyi zhe sdang gi spyod pa rnam par gzhig pa'i phyir chos kyi sgo mo rnam pa sna tshogs yang dag par ston par byed kyang bdag gis sems can gyi zhe
7a₂ sdang bsal ba'i phyir chos bstan to snyam du mi sems so/ /de ci'i phyir zhe na/ byang chub sems dpas chos kyi dbyings kyi mtshan nyid shin tu legs par rtogs pa'i phyir ro/ /'di ni byang chub sems dpa' chos kyi dbyings dbyer med pa'i mtshan nyid la gnas nas nyon mongs
7a₃ pa'i spyod pa rab tu bsal ba zhes bya'o/ /glog thob 'di lta ste/ dper na mun pa bsal nas snang ba 'thob par 'gyur yang mun pa sel bar byed pa med de/ 'di ltar mun pa dang snang ba'i ngo bo nyid nam mkha' dang mtshungs shing dbyer med pa yin no/ /de bzhin du byang chub
7a₄ sems dpa' yang chos kyi dbyings dbyer med pa'i ye shes de la brten nas thabs mkhas pas chos bstan te/ zhe sdang spyod pa'i sems can rnam pa sna tshogs 'dul zhing zhi bar byed kyang chos kyi dbyings la tha dad du gyur pa med do/ /glog thob 'di lta ste dper na nyi ma'i dkyil
7a₅ 'khor shar nas 'od kyis gang dang gang du snang bar byas pa de dag thams cad ni nyi ma'i dkyil 'khor gyis bsdus pa yin no/ /de bzhin du byang chub sems dpa' yang zhe sdang gi spyod pa gdul zhing bsal ba'i phyir ji tsam du tshig tu brjod pa thams cad chos kyi 'khor lo yin yang
7a₆ chos kyi dbyings la ni tha dad du gyur pa med do/ /'di ltar zhe sdang gi spyod pa nyi khri chig stong dang / spyod pa gzhan gtogs pa brgyad khri bzhi stong du gyur pa de dag byang chub sems dpa' rtsol ba med pa'i ye shes yongs su grub pas sems can de dag gi zhe sdang gi spyod pa
7a₇ rnam pa sna tshogs kyi rjes su chos ston par byed kyang bdag gis sems can la chos bstan to/ /ston to/ /ston par 'gyur ro snyam du sems pa med do/ /'di ni byang chub sems dpa' sems dpa' chen po rnams kyi zhe sdang spyod pa'i gter zhes bya'o/ /byang chub sems dpa' gang gis

_{iiif viewer powered by OpenSeadragon}

6b - 7b

Texts on this page