rKTs

e-texts navigator

Volume

Page

6b₁ rab tu dben zhing zhi ba/ dri ma dang rnyog pa med pa/ 'dum pa med pa/ rtsod pa med pa/ rab tu dben pa'i chos nyid la phyin ci log dang mtshungs par ldan par gyur pa'i dbang gis yang dag pa ma yin pa'i zhe sdang dang / 'khon du 'dzin pa rgyas par gyur to snyam du sems pa kho nar
6b₂ zad do/ /de snyam du bsams nas kyang snying rje chen po la gnas te rtag par bdag nyid 'gyod cing bshags par yang byed la/ gal te lus kyi yan lag dang nying lag gcod pa zhig yod na yang zhe sdang spyod pa'i sems can de dag 'dul bar 'dod pa'i phyir bzod pa la rab tu
6b₃ gnas par byed do/ /gal te zhe sdang spyod pa'i sems can tshad med pa de dag phan tshun gcig la gcig rgyab kyis phyogs shing zhe sdang dang / 'khon du 'dzin pa'i las yongs su rdzogs pa'i dbang gis sbrul gdug pa ngan 'gro'i lus su ltung bar gyur pa dag la ni byang chub sems
6b₄ dpa' bzod pa la rab tu gnas pa des 'di ltar byams pa dang / dran pa'i stobs kyis sems can de dag btul nas ngan 'gro'i rnam par smin pa len par mi 'gyur zhing / gdon mi za bar mnyam pa nyid rtogs par byed pa gang yin pa 'di ni byang chub sems dpa' thabs mkhas
6b₅ pas sems can gyi zhe sdang gi spyod pa yongs su bsal bar byed pa zhes bya'o/ /gzhan yang glog thob byang chub sems dpa' ni gal te sems can zhe sdang can dag mthong bar gyur na/ 'di snyam du chos thams cad ni rang bzhin gyis rnam par dag pa yin na/ kye ma sems can
6b₆ 'di dag ni zhe sdang gi rjes su 'brangs nas yang dag pa ma yin pas rnam par rtog pa bskyed nas mnyam zhing rtsod pa med pa'i chos nyid 'di la zhe sdang gi bsam pa bskyed pas sems can 'di dag chos kyi dbyings nyid ma rtogs par gyur to/ /gal te sems can 'di dag chos nyid
6b₇ mthong bar gyur na ni gzhan dag la gnod sems bskyed par mi 'gyur ba zhig na/ chos kyi dbyings kyi ngo bo nyid ma rtogs pas de'i phyir zhe sdang skyes par gyur to zhes byang chub sems dpa' des zhe sdang mang ba'i sems can de dag la lhag par snying brtse ba bskyed nas snying rje chen

_{iiif viewer powered by OpenSeadragon}

6a - 7a

Texts on this page