rKTs

e-texts navigator

Volume

Page

67a₁ byang chub mngon par rdzogs par 'tshang rgya bar bgyi'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo lha'i bu spyan ras gzigs 'di ni gang gi tshe bcom ldan 'das de bzhin gshegs pa yon tan rgyal po 'od de bla na med pa yang dag
67a₂ par rdzogs pa'i byang chub mngon par rdzogs par 'tshang rgya bar 'gyur ba de'i tshe 'di yang der 'khor los sgyur ba'i rgyal po legs mthong zhes bya bar 'gyur te/ /des bcom ldan 'das de la mchod pa dpag tu med pa byas shing / byang chub kyi phyogs kyi chos rnams kyang yongs su rdzogs par byas
67a₃ nas bcom ldan 'das de yongs su mya ngan las 'das pa'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/
67a₄ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das kun tu 'od ces bya bar 'jig rten du 'byung bar 'gyur ro/ /kun dga' bo rgyal po legs mthong de yang dus gzhan zhig na bu thu bo rgyal srid la bzhag nas bcom
67a₅ ldan 'das de'i bstan pa la dad pas khyim nas khyim med par rab tu 'byung bar 'gyur ro/ /de bzhin gshegs pa de yang yongs su mya ngan las 'da' ba'i dus kyi tshe byang chub sems dpa' de la byang chub sems dpa' legs mthong 'di ni nga yongs su mya ngan las 'das pa'i 'og tu bla na med pa
67a₆ yang dag par rdzogs pa'i byang chub mngon par rdzogs par 'tshang rgya bar 'gyur ro/ /zhes lung bstan nas yongs su mya ngan las 'da' bar 'gyur ro/ /de nas tshe dang ldan pa sha ra dwa ti'i bus lha'i bu ded dpon la 'di skad ces smras so/ /lha'i bu khyod de bzhin gshegs pas lung bstan tam/
67a₇ smras pa/ btsun pa sha ra dwa ti'i bu kho bo ni ji ltar de bzhin gshegs pa'i sprul pa lung bstan pa ltar lung bstan te/ da ltar gyi de bzhin nyid ji lta ba de bzhin du ma 'ongs pa'i de bzhin nyid kyang de lta bu yin pas de bzhin nyid de la ni 'phel ba yang med la yongs su 'grib pa yang med do/ /de nas

_{iiif viewer powered by OpenSeadragon}

66b - 67b

Texts on this page