| e-texts navigator |
| བོད་ཡིག |
66b1 gnyis dang ldan par 'gyur zhing / phal cher bla na med pa yang dag par rdzogs pa'i byang chub la yang dag par zhugs pa sha stag 'byung bar 'gyur bas de'i phyir 'jig rten gyi khams de ni yongs su dag pa zhes bya'o/ /bcom ldan 'das de bzhin gshegs pa yon
66b2 tan rgyal po 'od de'i sku tshe'i tshad ni bar gyi bskal pa bzhi bcur 'gyur ro/ /byang chub sems dpa' de dag kyang smon lam gyi dbang gis bar ma dor 'chi ba'i dus byed par mi 'gyur ro/ /de bzhin gshegs pa de'i byang chub sems dpa'i dge 'dun ni dung phyur
66b3 phrag drug dang bye ba phrag gnyis su 'gyur te/ kun dga' bo byang chub sems dpa' gang dag gis bla na med pa yang dag par rdzogs pa'i byang chub tu sems bskyed par gyur pa dang / gang dag gis mi skye ba'i chos la bzod pa thob par gyur pa de dag 'jig rten gyi
66b4 khams yongs su dag pa der skye bar 'gyur ro/ /de dag thams cad kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po 'od kyi sangs rgyas kyi zhing der de bzhin gshegs pas bla na med pa yang dag par
66b5 rdzogs pa'i byang chub tu lung ston par 'gyur ro/ /de nas 'khor de nyid du lha'i bu spyan ras gzigs zhes bya ba zhig 'dus te/ 'dug par gyur pa des bcom ldan 'das la lha'i me tog man dA ra ba dag gis mngon par gtor nas tshig 'di skad ces kyang gsol
66b6 to/ /bcom ldan 'das bdag kyang gang gi tshe bcom ldan 'das de bzhin gshegs pa yon tan rgyal po 'od de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe 'jig rten gyi khams yongs su dag pa der skye zhing 'khor
66b7 l os sgyur ba'i rgyal por gyur nas de bzhin gshegs pa byang chub sems dpa'i dge 'dun dang bcas pa de la bsnyen bkur bgyi zhing bcom ldan 'das de yongs su mya ngan las 'das pa'i 'og tu bdag kyang 'jig rten gyi khams der bla na med pa yang dag par rdzogs pa'i
iiif viewer powered by OpenSeadragon
