rKTs

e-texts navigator

Volume

Page

5b₁ pa'i rnam par grol ba'i bde ba sbyin par byed kyang byang chub sems dpa' de bdag gis chos bstan to/ /bstan par bya'o snyam du mi sems mod kyi/ 'on kyang rang gi ngang gis snying rje chen po'i bsam pa la gnas nas sems can rnams la so sor brtags te ci rigs par chos ston
5b₂ par byed do/ /gzhan yang glog thob 'di lta ste dper na brgya byin lha'i dbang po la lha'i bu mo khrag khrig phrag bcu gnyis yod pa de dag brgya byin lha'i dbang po'i rang dbang gi mthu'i dbang gis lus mang po bstan nas lha'i bu mo de dag de dang lhan cig 'dod pa'i bde ba yongs su
5b₃ rdzogs par myong bas de dag so so nas 'di snyam du bdag gcig pu ni/ deng lha'i dbang po dang lhan cig rtses so snyam du sems kyang yang dag par lha'i dbang po de la mngon par zhen par gyur pa ci yang med do/ /byang chub sems dpa' yang de bzhin du sems can gang yongs su
5b₄ bzla ba'i 'os su gyur pa de dag gi bsam pa ji lta ba bzhin du yongs su smin par byed kyang / byang chub sems dpa' la mngon par zhen par gyur pa med do/ /gzhan yang glog thob 'di lta ste dper na nyi ma'i dkyil 'khor ri mthon po'i rtse mo la shar ba'i tshe 'od kyis 'dzam bu'i gling
5b₅ kun du snang bar byed pas gang du snang bar byas pa'i gnas de dag tu kha dog sngon po dang / ser po dang / dmar po dang / dkar po rnam pa sna tshogs rab tu ston par byed kyang nyi ma'i dkyil 'khor de ni kha dog gcig pa/ 'od gcig pa nyid de tha dad pa'i mtshan ma med do/ /byang chub sems
5b₆ dpa' yang de bzhin du shes rab kyi nyi ma'i dkyil 'khor gyis chos kyi dbyings snang bar byas nas sems can gyi mngon par zhen pa'i ri'i rtse mo de dag tu shar ba na dmigs pa'i mtshan nyid gcig tu gyur cing de dag gi mos pa ji lta ba bzhin du chos ston par byed kyang / chos kyi dbyings
5b₇ la gnyis su gyur pa'i mtshan nyid med de/ glog thob 'di ni byang chub sems dpa' sems dpa' chen po rnams kyi 'dod chags kyi spyod pa'i gter ces bya'o/ /byang chub sems dpa' gang gis gter 'di thob par gyur na bskal pa'am/ bskal pa las lhag par sems can

_{iiif viewer powered by OpenSeadragon}

5a - 6a

Texts on this page