rKTs

e-texts navigator

Volume

Page

4b₁ cig ni rmi lam na gzugs yid du 'ong ba rnams mthong ba'i dbang gis 'dod chags kyi mngon par zhen pa skyes nas yid la byed cing yongs su gnyer bar byed pa yang yod do/ /sems can kha cig ni bud med kyi sgra thos pa tsam gyis 'dod chags kyi sred pa skyed par byed la/ res
4b₂ 'ga' ni mthong ba tsam gyis 'dod chags kyi sems dang bral nas bla na med pa yang dag par rdzogs pa'i byang chub yongs su smin par byed pa yang yod pas/ de'i phyir glog thob byang chub sems dpa' ni 'dod chags kyi nad rnam pa sna tshogs gang yin pa dang / 'dod chags kyi
4b₃ sman rnam pa sna tshogs gang yin pa de dag thabs mkhas pas legs par khong du chud kyang chos kyi dbyings la gnyis su 'dzin pa'i mtshan ma yang med la/ chos kyi dbyings la rmongs par gyur pa'i sems can de dag la yang snying rje chen po skyed par byed do/ /glog thob 'dod chags dang / zhe sdang dang /
4b₄ gti mug ces bya ba dang / chos kyi dbyings kyi ye shes zhes bya ba'i chos cung zad tsam yang dmigs su med pas byang chub sems dpa' 'di snyam du bdag gis mthong ba ltar na sems can rnams ni mtshan ma med pa/ rang bzhin gyis stong zhing dben pa/ btags pa tsam du
4b₅ rnam par gzhag pa tshogs shing 'dus pa'i chos 'di la 'dod chags dang / zhe sdang dang / gti mug skyed par byed pas bdag gis 'di dag yang dag pa ji lta ba bzhin du so sor brtags nas 'dod chags kyis rmongs par gyur pa'i sems can de dag gi ched du snying rje chen po la
4b₆ gnas nas sngon gyi smon lam yongs su rdzogs par bya'o/ /chos kyi dbyings las ma g.yos par rtsol ba med pa'i ye shes kyis yongs su smin par bya'o snyam du sems so/ /skyes pa gang zhig bud med dag la yang dag pa ma yin pas sdug pa'i 'du shes bskyed nas 'dod chags lci ba
4b₇ skyes par gyur na/ byang chub sems dpas bud med shin tu sdug cing mdzes pa/ gzugs kyi mtshan khyad par du 'phags pa/ rin po che'i rgyan phreng dang ldan pa/ rgyan rnam pa sna tshogs kyis rab tu brgyan pas lha'i bu mo dang 'dra bar gyur pa sngon ma mthong ba dag tu bsgyur nas

_{iiif viewer powered by OpenSeadragon}

4a - 5a

Texts on this page