rKTs

e-texts navigator

Volume

Page

2b₁ tu bzhugs so/ /de nas de'i tshe byang chub sems dpa' glog thob ces bya bas 'khor mang po rab tu zhi zhing yongs su dag pa dag 'dus par gyur pa mthong ba dang stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la
2b₂ ba de logs su thal mo sbyar nas bcom ldan 'das la 'di skad ces gsol to/ /bcom ldan 'das bdag la the tshom cung zad cig mchis te deng zhu bar 'tshal na/ de bzhin gshegs pas thugs rjes gsan cing gnang bar mdzad du gsol/ de nas bcom ldan 'das kyis byang chub sems
2b₃ dpa' glog thob la bka' stsal pa/ de bzhin gshegs pa dgra bcom pa yang dag par rdzogs pa'i sangs rgyas kyis khyod la skabs phyes/ khyod ci dang ci 'dod pa dris shig dang khyod la yang dag par bstan par bya'o/ /de nas bcom ldan 'das la byang chub sems dpa' glog
2b₄ thob kyis 'di skad ces gsol to/ /bcom ldan 'das byang chub sems dpa' chos ji lta bu zhig dang ldan par gyur na sems can thams cad kyi bsam pa yongs su rdzogs par bgyid cing skyon rnams kyis gos par mi 'gyur ba dang / dbang po dang rang bzhin ji lta ba bzhin du thabs
2b₅ mkhas pas sems can de dag drangs te lus zhig pa'i 'og tu ngan 'gro rnams su ltung bar mi 'gyur zhing gdon mi 'tshal bar mnyam pa nyid rtogs par 'gyur ba dang / 'jig rten na gnas kyang pad ma bzhin skyon gyis gos par mi 'gyur ba dang / chos kyi dbyings las ma
2b₆ g.yos par yang sangs rgyas kyi zhing kun tu rgyu zhing rtag par de bzhin gshegs pa'i gzugs kyi sku mthong ba dang 'bral bar mi 'gyur ba dang / rnam par thar pa gsum la rab tu gnas kyang snyoms par mi 'jug par sems can gyi mos pa ji lta ba bzhin du sangs rgyas kyi zhing gi bkod pa yongs
2b₇ su sbyangs nas skad cig ma gcig la myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ de nas byang chub sems dpa' sems dpa' chen po glog thob kyis bcom ldan 'das kyi spyan sngar tshigs su bcad de zhu ba zhus pa/ bla

_{iiif viewer powered by OpenSeadragon}

2a - 3a

Texts on this page