rKTs

e-texts navigator

Volume

Page

264a₁ kyi bu mo dad pa can ni sangs rgyas bye ba khrag khrig phrag bcu mnyes par byed par 'gyur ro/ /thams cad du rjes su song ba zhes bya ba'i gzungs kyang thob par 'gyur ro/ /zad mi shes pa'i za ma tog ces bya ba'i gzungs kyang thob par 'gyur ba nas
264a₂ bla na med pa yang dag par rdzogs pa'i byang chub mngon par rdzogs par 'tshang rgya ba'i bar du yang 'gyur ro/ /ngan song gsum po rnams su skye bar mi 'gyur ro/ /byang chub sems dpa'i spyad pa spyod pa na sangs rgyas kyi zhing gang dang gang du skye bar 'gyur ba de dang der ngan song
264a₃ du skyes pa'i sems can rnams yongs su thar bar byed do/ /bla na med pa yang dag par rdzogs pa'i byang chub las phyir mi ldog par yang 'gyur ro/ /de la 'di skad ces bya ste/ mi gang sangs rgyas mtshan 'di rjod byed pa/ /de yi yon tan bgrang bar mi nus shing / /
264a₄ de ni byang chub 'thob par the tshom med/ /de la the tshom med par gzungs skye'o/ /yon tan rin chen me tog kun tu rgyas pa shar lho'i mtshams kyi phyogs na shin tu mdzes pa bkod pa'i 'jig rten gyi khams na/ de bzhin gshegs pa dgra bcom pa yang dag par rdzogs
264a₅ pa'i sangs rgyas 'brug stong bsgrags pa'i sgra skad kyi rgyal po zhes bya ba zhig da ltar bzhugs te/ 'tsho zhing gzhes pa yod do/ /bskal pa de ni yon tan 'byung ba zhes bya'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
264a₆ 'brug stong bsgrags pa'i sgra skad kyi rgyal po de'i mtshan 'dzin pa'i rigs kyi bu 'am/ rigs kyi bu mo dad pa can de ni tshe rjes ma thag tu mi 'jigs pa bzhi 'thob par 'gyur ro/ /rdzu 'phrul gyi rkang pa bzhi 'thob par 'gyur ro/ /byams pa chen po dang / snying
264a₇ rje chen po 'thob par 'gyur ro/ /sangs rgyas kyi chos ma 'dres pa bco brgyad 'thob par 'gyur ro/ /de bzhin gshegs pa tshe dpag med kyi sangs rgyas kyi zhing gi yon tan bkod pa ci 'dra ba de lta bu 'thob par 'gyur ro/ /bud med kyi tshe rjes nas skyes pa'i

_{iiif viewer powered by OpenSeadragon}

263b - 264b

Texts on this page