| e-texts navigator |
| བོད་ཡིག |
262a1 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' stong phrag rab tu mang po rnams
262a2 dang thabs cig tu bzhugs te/ de'i tshe 'khor de nyid du byang chub sems dpa' sems dpa' chen po grong khyer yangs pa'i lid tsa byi gzhon nu yon tan rin chen me tog kun tu rgyas pa zhes bya ba zhig 'dus par gyur te 'dug go /de nas byang chub sems dpa' sems dpa'
262a3 chen po yon tan rin chen me tog kun tu rgyas pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces
262a4 gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs dbye bar gnang na btsun pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags
262a5 so/ /de skad ces gsol pa dang / bcom ldan 'das kyis byang chub sems dpa' sems dpa' chen po yon tan rin chen me tog kun tu rgyas pa la 'di skad ces bka' stsal to/ /yon tan rin chen me tog kun tu rgyas pa khyod de bzhin gshegs pa dgra bcom pa
262a6 yang dag par rdzogs pa'i sangs rgyas la ci dang ci 'dod pa zhus shig dang / zhu ba de dang de nyid kyi lung bstan pas ngas khyod kyi sems rangs par bya'o/ /de nas byang chub sems dpa' sems dpa' chen po yon tan rin chen me tog kun tu rgyas pas bcom ldan 'das
262a7 la 'di skad ces gsol to/ /bcom ldan 'das da ltar na 'jig rten gyi khams gzhan dag na sangs rgyas bcom ldan 'das rnams bzhugs te 'tsho zhing gzhes pa de rnams kyi mtshan bzung na/ rigs kyi bu'am rigs kyi bu mo myur du bla na med pa yang dag par
iiif viewer powered by OpenSeadragon
Texts on this page
D78 - 'phags pa yon tan rin po che me tog kun tu rgyas pas zhus pa zhes bya ba theg pa chen po'i mdo