| e-texts navigator |
| བོད་ཡིག |
261a1 dag gis nongs pa rnyed/ /de dag kha zas ngan pa 'tshal/ /dri med byin pas mchod sbyin slad/ /bdag cag 'gron du bos par gyur/ /ston pa'i nyan thos rnams mthong nas/ /ma gus pas ni sdod cing mchis/ /de la bdag cag
261a2 rnams kyis dris/ /khyod kyis 'dren pa gang na mthong / /des smras btsas nas zhag bdun na/ /kho mos sangs rgyas mtshan thos mchi/ /de yis sangs rgyas bsngags mang ba/ /de bzhin gzhan du mi 'gyur brjod/ /de yi tshig thos bdag cag kun/ /
261a3 byang chub mchog tu yang dag zhugs/ /bdag cag sngon gyi bsod nams dang / /sangs rgyas zhes bgyi'i sgras bskul bas/ /shAkya seng ge'i zhabs la ni/ /phyag bgyi'i slad du lhags pa lags/ /rdzogs pa'i sangs rgyas mthong phyag bgyis/ /chos
261a4 kyi dam pa thos par gyur/ /rkang gnyis dam pa 'di mthong bas/ /bdag cag sdug bsngal kun las grol/ /skyob pa shAkya seng ge yis/ /chos gang bshad pa mdzad pa rnams/ /sangs rgyas chos kyi don slad du/ /bdag cag de la slob par bgyid/ /
261a5 sangs rgyas chos thob bgyi slad du/ /byang chub spyod pa thos gyur nas/ /bdag cag yang dag nan tan gyis/ /spyod pa de la bslab par bgyi/ /byang chub sems dpa'i spyod gang dang / /lam dang sgo yang bstan pa la/ /nan tan gyis ni gnas par bgyi/ /'jig rten
261a6 rnams kyi mchod rten 'gyur/ /de dag lhag pa'i bsam mkhyen nas/ /thub pas de tshe 'dzum pa mdzad/ /thub chen lung bstan mdzad gsol zhes/ /sangs rgyas la ni kun dgas zhus/ /bcom ldan 'das kyis kun dga' la/ /'di skad ces ni bka' stsal to/ /
261a7 bram ze lnga brgya 'di dag dang / /bram ze tshangs pa'i lha de dang / /de kun bskal pa gcig gi tshe/ /rnam par 'dren pa sangs rgyas 'gyur/ /sangs rgyas lnga brgya tham pa la/ /tshe rabs snga mar mchod byas pa/ /de nas phyin chad spyod tshe yang / /sangs rgyas bye
iiif viewer powered by OpenSeadragon
Texts on this page
D77 - 'phags pa dri ma med kyis byin pas zhus pa zhes bya ba theg pa chen po'i mdo