| e-texts navigator |
| བོད་ཡིག |
260b1 de bzhin gshegs pa dgra bcom pa yang dag par rdzogs pa'i sangs rgyas bzhad cing 'dzum pa dri ma med pa'i tog gi rgyal po zhes bya bar 'gyur ro/ /de nas byang chub sems dpa' dri ma med kyis byin pas bcom ldan 'das las mngon sum du lung bstan pa thos nas dga' ba dang /
260b2 mchog tu dga' ba des ta la bye ba phrag brgyad cu srid du nam mkha' la mngon par 'phags te/ sangs rgyas kyi zhing stong 'od kyis khyab par byas nas bcom ldan 'das kyi dbu'i gtsug gi steng du rin po che'i gdugs tshad dpag tshad brgyad khri bzhi stong yod pa byin gyis brlabs te/
260b3 rin po che'i gdugs des stong gsum gyi stong chen po'i 'jig rten gyi khams 'di khebs so/ /des kyang nam mkha' de nyid na rdzu 'phrul dpag tu med pa byas nas phyogs bcu'i sangs rgyas gang gA'i klung gi bye ma snyed dag la bstod cing phyag 'tshal te bsti stang byas nas nam mkha'
260b4 de las babs te/ bcom ldan 'das la lan stong bskor ba byas nas phyogs gcig tu 'dug go /de nas bram ze tshangs pa'i lha la sogs pa bram ze lnga brgya po de dag gis byang chub sems dpa' dri ma med kyis byin pa'i rdzu 'phrul gyi cho 'phrul yang mthong / lung bstan
260b5 pa de yang thos nas tshim zhing mgu la yi rangs te rab tu dga' nas bde ba dang / yid bde ba skyes te/ bcom ldan 'das ga la ba de logs su thal mo sbyar ba btud nas sgra skad 'thun par bcom ldan 'das la tshigs su bcad de gsol pa/ gang dag sangs rgyas gus
260b6 mchis dang / /gang dag sangs rgyas chos slad du/ /blo ni shin tu nges gyur pa/ /de dag rnyed pa chen po rnyed/ /sngon chad sdig pa'i las bgyis pas/ /bdag cag bram ze'i khyim du skyes/ /ston pa'i nyan thos mthong gyur na/ /bkra mi shis zhes tshig tu
260b7 brjod/ /sangs rgyas sras dag mthong gyur na/ /bkra mi shis zhes bgyis pa yi/ /tshig tu brjod pa gang mchis pa/ /btsun pa nongs pa bshags par bgyid/ /tshogs kyi rgyal po mchog gyur pa/ /sangs rgyas gang dag ma mthong ba/ /mi de
iiif viewer powered by OpenSeadragon
Texts on this page
D77 - 'phags pa dri ma med kyis byin pas zhus pa zhes bya ba theg pa chen po'i mdo