rKTs

e-texts navigator

Volume

Page

260a₁ 'dzin tam/ 'chang ngam/ klog gam/ kun chub par byed dam/ gzhan dag la yang rgya cher rab tu ston na 'di ni de bas ches bsod nams mang du skyed do/ /de ci'i phyir zhe na/ sgrub pa 'dis ni byang chub 'thob par byed pa'i phyir ro/ /de nas yang bcom
260a₂ ldan 'das kyis 'jam dpal gzhon nur gyur pa la bka' stsal pa/ 'jam dpal khyod kyis chos kyi rnam grangs 'di zung shig /chongs shig /lhogs shig /kun chub par gyis shig /gzhan dag la yang rgya cher yang dag par rab tu ston cig /de nas bcom ldan
260a₃ 'das la 'jam dpal gzhon nur gyur pas 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ 'jam dpal de'i phyir chos kyi rnam grangs 'di spobs pa rnam par
260a₄ nges par bstan pa zhes bya bar zung shig / gzungs kyi rdo rje'i tshig ces bya bar yang zung shig /byang chub sems dpa'i sde snod ces bya bar yang zung shig /dri ma med kyis byin pas zhus pa zhes bya bar yang zung shig /bcom ldan 'das kyis chos kyi rnam grangs 'di bstan
260a₅ pa na lha dang mi'i skye dgu las srog chags khrag khrig phrag brgyad cu bla na med pa yang dag par rdzogs pa'i byang chub tu nges par gyur to/ /de nas bcom ldan 'das la byang chub sems dpa' spobs pa brtsegs kyis 'di skad ces gsol to/ /bcom ldan 'das byang chub sems
260a₆ dpa' dri ma med kyis byin pa 'di ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ bcom ldan 'das kyis bka' stsal pa/ rigs kyi bu byang chub sems dpa' dri ma med kyis byin pa 'di bskal pa brgya stong phrag grangs
260a₇ med pa bgrang ba las 'das pa na sangs rgyas kyi zhing nyan thos dang rang sangs rgyas rnams med pa tshe'i tshad dpag tu med pa/ byang chub sems dpa'i dge 'dun dpag tu med pa dang ldan pa/ lha'i longs spyod pas shin tu lhag pa dang ldan pa/ yon tan dpag tu med pa bkod pa zhes bya bar

_{iiif viewer powered by OpenSeadragon}

259b - 260b

Texts on this page