| e-texts navigator |
| བོད་ཡིག |
259b1 gal gyi bu chen po ni rdzu 'phrul dang ldan pa rnams kyi mchog tu bstan pa yin na/ btsun pa khyod ci'i phyir skyes pa'i lus las ma bsgyur/ gnas brtan maud gal gyi bu chen po cang mi smra bar gyur to/ /de nas byang chub sems dpa' sems dpa' chen po dri ma med kyis byin pas
259b2 maud gal gyi bu chen po la 'di skad ces smras so/ /btsun pa maud gal gyi bu chen po bud med kyi lus kyis byang chub mngon par rdzogs par 'tshang rgya ba yang ma yin/ skyes pa'i lus kyis byang chub mngon par rdzogs par 'tshang rgya ba yang ma yin no/ /de ci'i phyir zhe na/
259b3 byang chub ni ma skyes pa ste/ de ni lus sam sems kyis mngon par rdzogs par 'tshang rgya bar mi nus pa'i phyir ro/ /de nas bcom ldan 'das la byang chub sems dpa' 'jam dpal gyis 'di skad ces gsol to/ /bcom ldan 'das 'di ltar byang chub sems dpa'
259b4 dri ma med kyis byin pa 'di zab mo la mos pa ni ngo mtshar lags so/ /bcom ldan 'das kyis bka' stsal pa/ 'jam dpal 'di ltar byang chub sems dpa' dri ma med kyis byin pa 'dis sangs rgyas bye ba phrag drug cu'i thad na tshangs par spyod pa spyad do/ /stong pa nyid kyi
259b5 ting nge 'dzin bsgoms so/ /bskal pa brgyad cur mi skye ba'i chos la bzod pa bsgoms so/ /sangs rgyas bye ba phrag sum cu dang / byang chub sems dpa' zab mo'i tshul dang ldan pa rnams la shes rab kyi pha rol tu phyin pa yongs su dris so/ /sangs rgyas bye ba phrag
259b6 brgyad cu la na bza' dang / zhal zas kyis bkur sti byas so/ /spobs pa rnam par nges par bstan pa'i chos kyi rnam grangs 'di yang yongs su dris so/ /'jam dpal rigs kyi bu 'am rigs kyi bu mo gang gis stong gsum gyi stong chen po'i 'jig rten gyi khams
259b7 gang gA'i klung gi bye ma snyed dag rin po che sna bdun gyis rab tu bkang ste de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas rigs kyi bu 'am rigs kyi bu mo gang gis chos kyi rnam grangs 'di nyan tam/ len tam/
iiif viewer powered by OpenSeadragon
Texts on this page
D77 - 'phags pa dri ma med kyis byin pas zhus pa zhes bya ba theg pa chen po'i mdo