rKTs

e-texts navigator

Volume

Page

250a₁ mchis pa lags so/ /rin po che tog kyang cang mi smra bar gyur to/ /de nas bu mo dri ma med kyis byin pas byang chub sems dpa' ngan song spong la 'di skad ces smras so/ /rigs kyi bu khyod kyis 'di skad du gang gis grong khyer 'di na sems can rnams
250a₂ kyi las ngan song myong bar 'gyur ba gang yod pa de tshe 'di nyid la yang zhing chung ngu myong bar 'gyur ba rnam pa de lta bu'i bsam pa kho bos bsam par bya'o/ /zhes gsungs pa de/ de bzhin gshegs pas las ni bsam gyis mi khyab pa nyid du bstan pa de ni khyod kyis bsam par
250a₃ mi spyod do/ /gal te spyod na de bzhin gshegs pa'i bka' dang 'gal bar 'gyur ro/ /ci ste bsam par mi spyod na mi mkhyen bzhin du mang po myong bar 'gyur ba'i las tshe 'di nyid la yang zhing chung ngu myong bar ji ltar mdzad de/ bdag po ma mchis pa'i chos rnams la bdag
250a₄ po rnyed par 'gyur ro/ /gal te de ltar mdzad na de bzhin gshegs pa'i bka' dang 'gal bar 'gyur ro/ /ngan song spong gis smras pa/ kho bos ni smon lam gyi dbang gis mang du myong bar 'gyur ba'i las nyung ngu myong bar 'gyur bar byed do/ /bu mos smras pa/ rigs kyi
250a₅ bu chos rnams kyi chos nyid ni smon lam gyi dbang gis bsgyur du mi nus lags so/ /gal te nus par gyur na sems can thams cad yongs su mya ngan las bzla'o zhes de bzhin gshegs pa re re'i dgongs pa de smon lam gyi dbang gis ji ltar mi 'grub ste/ rnam grangs 'dis na
250a₆ smon lam gyi dbang gis bsgyur bar mi nus par rig par bgyi'o/ /ngan song spong yang cang mi smra bar gyur to/ /de nas bu mo dri ma med kyis byin pas byang chub sems dpa' sgrib pa thams cad rnam par sel ba la 'di skad ces smras so/ /rigs kyi bu khyod 'di skad du gang gis
250a₇ mnyan yod kyi grong khyer chen por skye bo'i tshogs thams cad kyi sgrib pa lnga po dag rnam par sel bar 'gyur ba rnam pa de lta bu'i bsam pa kho bos bsam par bya'o zhes gsungs pa de ci ting nge 'dzin de bdag la rag las pa lags sam/ 'on te gzhan la rag las pa lags/

_{iiif viewer powered by OpenSeadragon}

249b - 250b

Texts on this page