rKTs

e-texts navigator

Volume

Page

249b₁ 'gyur ba rnam pa de lta bu'i bsam pa kho bos bsam par bya'o/ /zhes gsungs pa de ci de bzhin gshegs pa gzugs kyi skur mthong bar mdzad dam/ 'on te chos kyi skur mthong bar mdzad/ gal te gzugs kyi skur mthong bar mdzad na de ni sangs rgyas kyi bka' ma lags te/
249b₂ bcom ldan 'das kyis ni 'di skad du/ gang dag nga la gzugs su mthong / /gang dag nga la sgrar shes pa/ /'dun pa 'dod chags ldan pa ste/ /skye bo de dag nga mi mthong zhes gsungs so/ /ci ste de bzhin gshegs pa chos kyi skur mthong bar mdzad na chos kyi sku ni bstan
249b₃ du mi nus pa'o/ /de ci'i slad du zhe na/ de bzhin gshegs pa rnams kyi chos kyi sku ni mig gi rnam par shes pa las yang dag par 'das pa ste blta bar mi nus pa'i slad du'o/ /mthong ba don yod kyang cang mi smra bar gyur to/ /byang chub sems dpa' rin po che tog gis
249b₄ smras pa/ mthong ba don yod bu mos dris pa'i lan thob shig /mthong ba don yod kyis smras pa/ bu mo ni dngos po med pa 'dri ste de ni bstan par mi nus so/ /bu mo dri ma med kyis byin pas smras pa/ bdag ni dngos po 'am dngos po ma mchis pa mi 'dri'o/ /bstan pa slobs
249b₅ la de nas ston cig / mthong ba don yod kyang cang mi smra bar gyur to/ /de nas bu mo dri ma med kyis byin pas byang chub sems dpa' rin po che tog la 'di skad ces smras so/ /rigs kyi bu khyod kyis 'di skad du gang gis grong khyer na khyim thams cad du rin po ches gang ba'i gter
249b₆ rnams 'byung bar 'gyur ba rnam pa de lta bu'i bsam pa kho bos bsam par bya'o/ /zhes gsungs pa de ci zang zing dang bcas pa'i phan 'dogs par mdzad dam/ 'on te zang zing ma mchis pas phan 'dogs par mdzad/ gal te zang zing dang bcas pas phan 'dogs na ni byis
249b₇ pa so so'i skye bo'i phan 'dogs pa dang bye brag ma mchis par 'gyur ro/ /de ci'i slad du zhe na/ 'di ltar byis pa so so'i skye bo rnams kyi dga' ba ni zang zing dang bcas pa'i slad du'o/ /ci ste zang zing ma mchis pas phan 'dogs par mdzad na zang zing ma mchis pa ni bsgrub tu ma

_{iiif viewer powered by OpenSeadragon}

249a - 250a

Texts on this page