rKTs

e-texts navigator

Volume

Page

242b₁ song spong gis smras pa/ gang gis grong khyer na sems can rnams kyi las ngan song myong bar 'gyur ba gang yod pa de tshe 'di nyid la yang zhing chung ngu myong bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' mthong ba don yod kyis smras pa/ ci nas
242b₂ kyang grong khyer na sems can gang dag kho bo'i mig lam na snang bar 'gyur ba de dag thams cad kyis de bzhin gshegs pa'i gzugs mthong bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' rin po che'i tog gis smras pa/ gang gis grong
242b₃ khyer na khyim thams cad du rin po ches gang ba'i gter rnams 'byung bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' sgrib pa thams cad rnam par sel bas smras pa/ gang gis mnyan yod kyi grong khyer chen por skye bo'i tshogs thams cad kyi
242b₄ sgrib pa lnga po dag rnam par sel bar 'gyur ba rnam pa de lta bu'i bsam pa kho bos bsam par bya'o/ /byang chub sems dpa' spyan ras gzigs dbang phyug gis smras pa/ ci nas kyang grong khyer na sems can gang dag bcings pa dang / gsad par bkri ba de dag thams cad
242b₅ thar pa dang 'jigs pas nyen pa rnams kyang 'jig pa med pa thob par 'gyur ba rnam pa de lta bu'i bsam pa kho bos bsam par bya'o/ /byang chub sems dpa' spobs pa brtsegs kyis smras pa/ gang gis grong khyer na skye bo'i tshogs thams cad phan tshun du tshigs su bcad pa'i
242b₆ dbyangs dang / byams pa'i sems kyis smra bar 'gyur ba dang / spobs pa yang thob par 'gyur ba rnam pa de lta bu'i bsam pa kho bos bsam par bya'o/ /byang chub sems dpa' gom pa 'dor ba don yod kyis smras pa/ ci nas kyang grong khyer na sems can gang dag kho bo'i
242b₇ mig lam na snang bar 'gyur ba de dag thams cad bla na med pa yang dag par rdzogs pa'i byang chub las phyir mi ldog par 'gyur ba rnam pa de lta bu'i bsam pa kho bos bsam par bya'o/ /de nas nyan thos chen po de dag dang / byang chub sems dpa' de dag rnam pa de lta bu'i gtam 'di brjod

_{iiif viewer powered by OpenSeadragon}

242a - 243a

Texts on this page