rKTs

e-texts navigator

Volume

Page

240a₁ na dge slong bsnyen par rdzogs nas lo brgyad lon pa'i spyod lam ji lta ba bzhin du bdag gnas par gyur cig ces smras so/ /byang chub sems dpa' sems dpa' chen po mya ngan med kyis byin pas bden pa'i byin gyi brlabs byas ma thag tu dge slong gi spyod
240a₂ lam dang ldan par snang bar gyur to/ /de nas byang chub sems dpa' sems dpa' chen po mya ngan med kyis byin pas pha rgyal po ma skyes dgra la 'di skad ces smras so/ /yab 'di ltar chos thams cad ni bcos ma ste rnam par bsgrubs pas nye bar gnas pa'i mtshan nyid dang / yongs
240a₃ su brtags pa las langs pa med bzhin du phyin ci log dang mtshungs par ldan pa lags so/ /rgyal po chen po gzigs shig dang de ring kho na'i gdugs gcig la bu mo'i gzugs su yang gzigs khye'u'i gzugs su yang khyod kyis gzigs/ da ni bdag la dge slong gi
240a₄ gzugs su yang khyod kyis gzigs na 'di la gang yang dag pa'i gzugs lags/ rgyal po chen po de ltar na ya ma brla'i chos thams cad la 'di na kha cig lta ba'i kun nas dkris pas kun nas glags shing mchis te/ rang gi rgyud la mchis pa'i nyon mongs pa rnams kyis yongs
240a₅ su sreg go / yongs su bsregs pas chos 'dul ba 'di ma 'tshal te 'gyod pa ma lags pa la 'gyod par sems so/ /rgyal po chen po de ltar na khyod kyis bag yod par mdzod la/ rgyal srid nyam nga ba na bzhugs bzhin du rtag tu bcom ldan 'das kyi thad du bzhud cig dang / 'jam dpal
240a₆ gzhon nur gyur pas khyod kyi yod pa ma yin pa phyin ci log las byung ba'i 'gyod pa sel bar 'gyur ro/ /rgyal po chen po khyod ni bya ba mang zhing byed pa mang ba lags kyis bzhud cig /de nas rgyal po ma skyes dgra dang / btsun mo zla ba can dang / btsun mo'i 'khor thams cad kyis bcom ldan
240a₇ 'das dang / byang chub sems dpa' mya ngan med kyis byin pa dang / dge slong gi dge 'dun rnams la phyag 'tshal nas bcom ldan 'das la 'di skad ces gsol to/ /bcom ldan 'das bdag cag ni bgyi ba mang zhing bgyid pa mang ba lags kyis bdag cag mchi'o/ /bcom ldan 'das kyis bka' stsal

_{iiif viewer powered by OpenSeadragon}

239b - 240b

Texts on this page