rKTs

e-texts navigator

Volume

Page

238b₁ phal po ches yongs su bskor nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'khod do/ /rgyal po btsun mo'i 'khor dang bcas pas kyang bcom ldan 'das kyi zhabs la mgo bos phyag 'tshal nas gnang
238b₂ ste phyogs gcig tu 'khod do/ /nyan thos chen po de dag kyang bcom ldan 'das kyi thad du dong ste bcom ldan 'das kyi zhabs la mgo bos phyag 'tshal nas phyogs gcig tu 'khod do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom
238b₃ ldan 'das bu mo mya ngan med kyis byin pa'i spobs pa ni ngo mtshar lags so/ /bcom ldan 'das kyis bka' stsal pa/ shA ri'i bu bu mo 'dis ni thog ma nyid du byang chub don du gnyer ba na sangs rgyas bye ba khrag khrig phrag dgu bcu rtsa gnyis la dge ba'i rtsa ba dag bskyed do/ /shA
238b₄ ri'i bus gsol pa/ bcom ldan 'das ci'i slad du bu mo 'dis bud med kyi lus ma bsgyur/ bcom ldan 'das kyis bka' stsal pa/ shA ri'i bu 'di ji snyam du sems/ bu mo mya ngan med kyis byin pa la bud med do snyam du sems na de ltar mi blta'o/ /byang chub sems
238b₅ dpa' dag ni sems can yongs su smin par bya ba'i phyir smon lam gyis bdag nyid bud med kyi gzugs su ston to/ /de nas de'i tshe bu mo mya ngan med kyis byin pas bden pa'i byin gyis brlabs byas te/ bden pa'i byin gyi rlabs gang gis chos thams cad skyes pa yang ma yin/
238b₆ bud med kyang ma yin pa lta na bden pa dang bden pa'i tshig des bdag skyes pa'i lus su gyur cig /thams cad dang ldan pa'i 'khor 'dis kyang mthong bar gyur cig /tshig de skad ces smras ma thag tu bud med kyi mtshan ma mi snang bar gyur te/ skyes pa'i mtshan ma byung bar
238b₇ gyur nas steng gi bar snang la ta la bdun srid tsam du 'phags so/ /de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu byang chub sems dpa' sems dpa' chen po mya ngan med kyis byin pa steng gi bar snang la 'phags pa khyod kyis mthong ngam/ shA

_{iiif viewer powered by OpenSeadragon}

238a - 239a

Texts on this page