| e-texts navigator |
| བོད་ཡིག |
218b1 la/ /brtson 'grus brtsams shing sangs rgyas rjes su dran/ /yongs su sngo zhing bshags dang phyag 'tshal ba/ /de la bdud kyis glags ni rnyed mi 'gyur/ /bu mo byang chub sems dpa' chos bzhi dang ldan na 'chi ba'i dus kyi tshe mdun du sangs rgyas
218b2 bzhugs shing de las chos kyang nyan la sdug bsngal yang myong bar mi 'gyur te/ bzhi gang zhe na/ 'di lta ste/ gzhan dag gi bsam pa yongs su rdzogs par byed pa dang / mos pa mang ba dang / byang chub sems dpa'i sbyin pa bkod pa sna tshogs nye bar sgrub
218b3 pa dang / dkon mchog gsum mchod pa la brtson pa ste/ bu mo byang chub sems dpa' chos bzhi po de dag dang ldan na 'chi ba'i dus kyi tshe mdun du sangs rgyas bzhugs shing de las chos kyang nyan la sdug bsngal yang myong bar mi 'gyur ro/ /de la 'di skad ces
218b4 bya ste/ de ni gzhan gyi bsam pa rdzogs byed cing / /mos pa dang ni sbyin pa rgya che ba/ /mkhas pa de ni rtag tu sbyin par byed/ /de phyir de mdun de bzhin gshegs pa bzhugs/ /de skad ces bka' stsal nas bcom ldan 'das la bu mo blo gros bzang mos
218b5 'di skad ces gsol to/ /btsun pa bcom ldan 'das byang chub sems dpa'i bslab pa ji skad bcas pa 'di dag la bdag gis bslab par 'tshal te/ bcom ldan 'das gal te bdag gis bzhi pa bcu po ji skad du bka' stsal pa 'di dag las chos gcig
218b6 cig ma spyad na yang bdag gis de bzhin gshegs pa'i sku bslus par gyur cig / de nas gnas brtan maud gal gyi bu chen pos bu mo blo gros bzang mo la 'di skad ces smras so/ /bu mo byang chub sems dpa' rnams kyi spyod pa ni nyams 'og tu chud par dka' na
218b7 khyod 'di lta bu yang dag par len par byed na/ /ci khyod kyis sems la dbang thob bam/ /de skad ces smras nas bu mo blo gros bzang mos tshe dang ldan pa maud gal gyi bu chen po la/ 'di skad ces smras so/ /btsun pa maud gal gyi bu bden pa dang bden pa'i tshig
iiif viewer powered by OpenSeadragon
Texts on this page
D74 - 'phags pa bu mo blo gros bzang mos zhus pa zhes bya ba theg pa chen po'i mdo