| e-texts navigator |
| བོད་ཡིག |
217a1 sku gzugs byas na ni/ /mdzes par 'gyur te blta bar 'os pa yin/ /bu mo byang chub sems dpa' chos bzhi dang ldan na nor che bar 'gyur te/ bzhi gang zhe na/ 'di lta ste/ dus su sbyin pa dang / 'gyod pa med par sbyin pa dang /
217a2 yid du 'ong ba sbyin pa dang / rnam par smin pa mi re bar sbyin pa ste/ bu mo byang chub sems dpa' chos bzhi po de dag dang ldan na nor che bar 'gyur ro/ /de la 'di skad ces bya ste/ dus su byin dang 'gyod pa med pa dang / yid 'ong sbyin dang rnam smin mi re ba/ /
217a3 dpa' bo rnams ni las 'di byas pas na/ /rtag tu longs spyod chen po thob pa yin/ /bu mo byang chub sems dpa' chos bzhi dang ldan na 'khor mi phyed par 'gyur te/ bzhi gang zhe na/ 'di lta ste/ phra ma'i tshig spangs pa dang / sems can log par lta
217a4 ba rnams yang dag pa'i lta ba yang dag par 'dzin du 'jug cing 'jog par byed pa dang / dam pa'i chos 'jig pa'i tshe dam pa'i chos srung ba dang / sems can rnams sangs rgyas kyi byang chub yang dag par 'dzin du 'jug cing 'jog par byed pa ste/ bu mo byang
217a5 chub sems dpa' chos bzhi po de dag dang ldan na 'khor mi phyed par 'gyur ro/ /de la 'di skad ces bya ste/ phra ma de bzhin log par lta ba spong / /dam chos 'jig pa'i tshe na srung ba byed/ /sems can byang chub yang dag 'dzin 'jug na/ /'khor rnams mi phyed
217a6 phun sum tshogs par 'gyur/ /bu mo byang chub sems dpa' chos bzhi dang ldan na/ sangs rgyas bcom ldan 'das rnams kyi thad du rin po che chen po'i pad+ma las rdzus te skye bar 'gyur te/ bzhi gang zhe na/ 'di lta ste/ phye ma 'am/ me tog ud pa la 'am/ pad+ma 'am/
217a7 ku mu da'am/ pad+ma dkar pos lag pa bkang ste/ de bzhin gshegs pa'i sku gzugs sam/ de bzhin gshegs pa'i mchod rten la 'bul ba dang / gzhan dag la yang gnod sems mi skyed pa dang / de bzhin gshegs pa'i sku gzugs pad+ma'i gdan
iiif viewer powered by OpenSeadragon
Texts on this page
D74 - 'phags pa bu mo blo gros bzang mos zhus pa zhes bya ba theg pa chen po'i mdo