| e-texts navigator |
| བོད་ཡིག |
216b1 'dra khyod la bstan par bya/ /de nas bcom ldan 'das la bu mo blo gros bzang mos tshigs su bcad de gsol pa/ gang gis su ni mdzes par 'gyur/ /gang gis nor ni che ba dang / /mi phyed 'khor dang ldan par 'gyur/ /thub pas 'di ni bdag la
216b2 gsungs/ /chos kyi rgyal po'i spyan sngar ni/ /gang gis rdzus te skye 'gyur zhing / /'dab ma stong ldan pad+ma la/ /mchis par yang ni gda' ba dang / /zhing rnams bye ba dpag yas par/ /sangs rgyas phyag bgyir mchi ba yi/ /rdzu 'phrul pha rol phyin
216b3 'gyur ba'i/ /spyod pa rgyal bas lung bstan gsol/ /dgra zla ma mchis gang gis 'gyur/ /tshig kyang btsun par 'gyur ba dang / /las kyi sgrib pa ma mchis dang / /bdud kyi las kun ma mchis dang / /'chi ba'i dus ni bgyid pa na/ /mngon sum sangs
216b4 rgyas mthong ba dang / /de las chos kyang nyan pa dang / /sdug bsngal tshor ba myong mi 'gyur/ /de skad ces gsol pa dang / bcom ldan 'das kyis bu mo blo gros bzang mo la 'di skad ces bka' stsal to/ /bu mo khyod kyis de bzhin gshegs pa la don 'di
216b5 dri bar sems pa legs so legs so/ /bu mo de'i phyir legs par rab tu nyon la yid la zung shig dang ngas bshad do/ /bu mo blo gros bzang mos bcom ldan 'das legs so zhes gsol te/ bcom ldan 'das kyi ltar nyan pa dang / bcom ldan 'das
216b6 kyis de la 'di skad ces bka' stsal to/ /bu mo byang chub sems dpa' chos bzhi dang ldan na mdzes par 'gyur te/ bzhi gang zhe na/ 'di lta ste/ tha na dgra la yang khro bar mi byed pa dang / byams pa la gnas pa dang / chos 'dod pa dang / de bzhin gshegs
216b7 pa'i sku gzugs byed du 'jug pa ste/ bu mo byang chub sems dpa' chos bzhi po de dag dang ldan na mdzes par 'gyur ro/ /de la 'di skad ces bya ste/ gnod pa'i rtsa ba khro ba 'phel mi byed/ /byams la gnas par byed dang chos 'dod dang / /de bzhin gshegs pa'i
iiif viewer powered by OpenSeadragon
Texts on this page
D74 - 'phags pa bu mo blo gros bzang mos zhus pa zhes bya ba theg pa chen po'i mdo