rKTs

e-texts navigator

Volume

Page

211b₁ bo sdig can dang / /'du shes log pa dag la bde ba ga la yod/ /mi rnams de dag byas pa mi gzo sdig bcas shing / /dad pa rnam nyams tshul 'chos gus pa med pa dang / /'phags pa'i tshogs kyis rtag tu rnam par spangs pas na/ /dmyal ba bzod brlag shin tu
211b₂ 'jigs su rung bar ltung / /gzugs dang sgra dang ro la chags pa'i mi rnams ni/ /byang chub sems dpa' rnams dang mkhas pa mi mchod cing / /log par lta bas chos kyang nyan par mi byed la/ /lan 'ga' 'ang dge 'dun legs par mchod par mi byed pas/ /'phags pa
211b₃ rnams kyis rnam spangs ngan song ltung bas na/ /de phyir mi'i srid pa 'di ni rnyed pa la/ /sbyin dul yang dag sdom la nges par sten cig dang / /de las byang chub dam pa mchog kyang thob par 'gyur/ /rgyal po chen po gzhan yang skyes pa ni bzo'i gnas sna tshogs dang / las
211b₄ kyi gnas sna tshogs 'di dag gis 'tsho bar byed de/ rgyal po chen po 'di ltar yi ge'am/ /rtsis sam/ grangs sam/ lag rtsis sam/ mtshon cha'am/ rgyal po la zho shas 'tsho ba'am/ zhing las sam/ tshong byed pa'am/ ba lang 'tsho ba'am/ de lta bu'i bzo'i
211b₅ gnas sna tshogs dang / las kyi gnas sna tshogs dag gis 'tsho bar byed cing 'di lta ste/ nor gyi phyir lam ma yin par yang 'gro bar byed/ lam ngan par yang 'gro bar byed/ gcong rong dang chu klung can gyi lam du yang 'gro bar byed/ mtshon cha'i lam du yang 'gro bar byed/
211b₆ rgya mtshor 'jug par yang 'jug par byed/ grang ba'i dus na yang lhags pas gnod par byed/ dro ba'i dus na yang tsha bas gnod par byed cing bkres pa dang / skom pa dag gis gnod bzhin du 'gro ba la yang spro bar byed de/ longs spyod yongs su tshol ba na de lta bu'i sdug bsngal
211b₇ dag gis longs spyod yongs su btsal nas kyang rang gi 'tsho ba dag gi phyir nye bar sgrub par byed pas dge sbyong dang bram ze dag dang / bkren pa dang / sdug phongs pa dang / slong mo ba dag la sbyin pa sbyin par mi bzod cing bud med rnams kyis dbang du byas pa dang / bud med rnams

_{iiif viewer powered by OpenSeadragon}

211a - 212a

Texts on this page