rKTs

e-texts navigator

Volume

Page

208b₁ 'dzin pa/ dge sbyong dang / bram ze dang / sbyin gnas la phangs par mi 'dzin pa/ sangs rgyas dang / chos dang / dge 'dun la dad pa yongs su nyams pa/ mya ngan las 'da' ba la yongs su nyams pa/ sems can dmyal ba dang / dud 'gro'i skye gnas dang /
208b₂ gshin rje'i 'jig rten la zhugs shing gzhol ba/ seng ge dang / nam mkha' lding gi lus la yang dag par zhugs pa/ lcags kyi shing shal ma li mthon po dang / me ma mur la gzhol ba/ sems can dmyal ba yang sos dang / thig nag dang / bsdus 'jom dang /
208b₃ ngu 'bod dang / ngu 'bod chen po dang / tsha ba dang / rab tu tsha ba dang / mnar med pa'i sems can dmyal ba chen por zhugs pa ni bud med kyi skyon 'di lta bu 'di dag thos kyang bud med la chags shing bud med dang sten pas bgad pa dang / ngus pa dang / ca co 'don 'dod
208b₄ pa dang / bro brdungs pa dang / glu blangs pa dang / rol mo byas pa dag rjes su dran par byed cing skyo ba mi skyed yid byung bar mi byed de/ rgyal po chen po byis pa'i chos la kun tu spyod cing kun tu spyod pa de dag dang ldan pa'i skyes pa ni ngan song rnams su skye bar 'gyur te/
208b₅ rgyal po chen po bud med kyi dbang du song nas 'dod pa la rten cing / ngan 'gror 'gro bar 'jug pa de ni skyes pa'i skyes bu'i skyon dang po yin no/ /de nas de'i tshe bcom ldan 'das kyis tshigs su bcad pa 'di dag bka' stsal to/ /'dod pa dri nga mi gtsang smad par 'os pa
208b₆ dang / /mi mthun 'jigs byed mi rtag las byung sdug bsngal byed/ /don med phung bar byed cing dman pa yin pas na/ /mkhas pa su zhig 'dod pa'i skom la sten par byed/ /btsog pas gang ba'i chab khung dri nga lta bu dang / /mnam par gyur cing rul pa'i khyim
208b₇ rnams ji bzhin dang / /shi ba dur khrod sa na shin tu smad pa ltar/ /de bzhin 'dod pa rnams kyang mchog tu smad pa yin/ /sbrang bu rma zhig mthong nas rgyug pa ci 'dra dang / /phag ni ngan skyugs mthong nas rgyug pa ci 'dra dang / /khyi ni sha yi don du shen sar 'gro ba ltar/ /de

_{iiif viewer powered by OpenSeadragon}

208a - 209a

Texts on this page