rKTs

e-texts navigator

Volume

Page

206b₁ sems kyang bskyed/ bcom ldan 'das bdag gis mchis brang sngo sangs can dgum pa'i slad du mda' ste'u ka nya rnga ma zhig 'phangs na/ de bar snang la 'bar/ rab tu 'bar/ kun tu rab tu mched de 'bar zhing me lce gcig tu gyur nas bzlog pa'i tshul du slar log ste bdag gi
206b₂ g.yon rol logs su mchis par gyur cing lus la ni ma phog nas/ bcom ldan 'das bdag gis mchis brang sngo sangs can gyi sug pa rkang pa gnyis la gtugs te/ mchis brang sngo sangs can la 'di skad du khyod lha mo zhig gam/ 'on te klu mo'am/ dri za mo'am/ sha
206b₃ za mo'am/ srin mo'am/ su zhig lags zhes bgyis pa dang / de bdag la 'di skad du rgyal po chen po bdag ni lha mo yang ma lags/ klu mo yang ma lags/ dri za mo yang ma lags/ sha za mo yang ma lags/ srin mo yang ma lags kyi/ bdag ni bcom ldan 'das de
206b₄ bzhin gshegs pa dgra bcom pa yang dag par rdzogs pa'i sangs rgyas de'i nyan thos ma lags te/ khyod nyid la snying brtse ba'i slad du sems mnyam par bzhag pa lags so zhes mchi nas/ de nas mchis brang sngo sangs can gyis bcom ldan 'das kyi bsngags pa rnam grangs
206b₅ du mas brjod pa dang / bcom ldan 'das de la bdag 'di snyam du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i nyan thos ma 'di yang de lta bu'i snying rje'i bsam pa dang / de lta bu'i byams pa thob pa dang / de ltar rdzu 'phrul
206b₆ che ba dang / de ltar mthu che ba dang / de ltar dbang che bar grags pa lags na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas lta smos kyang ci 'tshal snyam du sems par gyur lags te/ bcom ldan 'das bdag 'di ltar byis
206b₇ pa lta bu dang / 'di ltar rmongs pa dang / 'di ltar mi gsal ba dang / 'di ltar mi mkhas pas de bzhin gshegs pa nyan thos kyi dge 'dun dang bcas pa la bdag gis tha ba dang zhe sdang gi sems bskyed pa de bcom ldan 'das la bzod par gsol zhing nyan thos kyi dge 'dun gyi

_{iiif viewer powered by OpenSeadragon}

206a - 207a

Texts on this page