| e-texts navigator |
| བོད་ཡིག |
203b1 to/ /bcom ldan 'das rgyu ma mchis/ rkyen ma mchis par ni de bzhin gshegs pa dgra bcom pa yang dag par rdzogs pa'i sangs rgyas rnams 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ de'i tshe tshigs su bcad pa 'di dag kyang
203b2 gsol to/ /rgyu ma mchis par rnam 'dren rgyal ba mchog /sangs rgyas skyob pa 'dzum pa mi ston na/ /ci slad bcom ldan khyod kyis 'dzum mdzad pa/ /'jig rten phan dgongs thugs brtse bdag la gsungs/ /khyod kyis ci slad de ring 'dzum bstan gsungs/ /
203b3 bka' mchid che ldan nor mchog sbyin mdzad pa/ /dbul por gyur pa nor dang ldan par mdzod/ /'jig rten ldongs la myur du mig kyang stsol/ /de skad ces gsol pa dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod
203b4 kyis gang dag bla na med pa yang dag par rdzogs pa'i byang chub tu sems bskyed nas de bzhin gshegs pa'i gan du lhags pa'i khyim bdag lnga brgya tsam 'di dag mthong ngam/ gsol pa/ bcom ldan 'das mthong lags so/ /bde bar gshegs pa mthong lags so/ /
203b5 bcom ldan 'das kyis bka' stsal pa/ kun dga' bo khyim bdag lnga brgya tsam 'di dag gis chos kyi rnam grangs 'di thos nas mi skye ba'i chos la bzod pa thob ste/ kun dga' bo khyim bdag 'di dag thams cad ni sngon gyi rgyal ba la lhag par bya ba byas pa/ dge ba'i rtsa
203b6 ba bskyed pa/ sangs rgyas bye ba khrag khrig brgya stong mang po la bsnyen bkur byas pa dag ste/ khyim bdag 'di dag 'di nas shi 'phos nas nam du yang ngan 'gro log par ltung bar 'gro bar mi 'gyur zhing phyis kyang lha dang mi rnams kyi nang du bde ba myong nas mthar gyis de bzhin
203b7 gshegs pa dgra bcom pa yang dag par rdzogs pa'i sangs rgyas byams pa mnyes par byed cing thugs byung bar mi byed de bsti stang byed par 'gyur/ btsun par byed par 'gyur/ rim gro byed par 'gyur/ mchod pa byed par 'gyur ro/ /bskal pa bzang po'i sangs rgyas
iiif viewer powered by OpenSeadragon
Texts on this page
D72 - 'phags pa khyim bdag dpas byin gyis zhus pa zhes bya ba theg pa chen po'i mdo