rKTs

e-texts navigator

Volume

Page

202a₁ ched du mkhas pa sdig mi byed/ /las de yongs su zad pa ma gtogs par/ /rab tu mi bzad 'jigs las mi mi 'grol/ /de phyir sdig pas 'jigs pa'i mi rnams kyis/ /bsgrims te sdig pa yongs su spang bar bya/ /ji ltar las rnams byas pa
202a₂ ma gtogs par/ /gshin rje dang ni gshin rje'i rang rta dang / /mdza' bshes dag dang rtsa lag tshogs dang spun/ /pha ma bu dang chung ma srung mi byed/ /khyod kyis mi yi lus ni thob gyur la/ /thob nas sdig pa spang ba ma byas pas/ /kye ma da ltar sdug bsngal mi bzad
202a₃ myong / /'di ni mi dge'i las kyi rnam smin yin/ /las kyi rnam par smin la yid ma ches/ /khyod ni rang gi sems kyis mi dge byas/ /'di la ngas ni ci yang ma lan zhes/ /de la chos rgyal gshin rje de skad smra/ /rang gis las byas rang la rnam par smin/ /rang gi las
202a₄ kyis khyod ni 'dir 'ongs kyis/ /ji ltar sngon chad mi 'dod las byas pa/ /sdug bsngal de ni nyid kyis myong bar gyis/ /de tshe pha ma rang gi chung ma rnams/ /sdug bsngal nyen pa yongs su thar mi byed/ /legs pa'i las byas pas ni grol bar 'gyur/ /de ltar khyim ni
202a₅ yongs su spang bar bya/ /khu sgo dbyug pa ltung gi chad pa rnams/ /su zhig spong 'dod zhi ba don gnyer bas/ /khyim la 'jigs par gyis te spang byos la/ /'jig rten mkhas pa'i bstan la chos spyod cig /khyim ni rab 'bar sdug bsngal mang po'i rtsa/ /sems las byung
202a₆ ba rnams kyis rtag tu 'bar/ /me mur 'obs 'dra 'jigs par byed pa la/ /mkhas pa su zhig de la sred pa skyed/ /khyim gnas bu dang chung ma'i mya ngan byed/ /khyim gnas de bzhin longs spyod mya ngan byed/ /nyes pa 'di dang gzhan yang dpag med de/ /de ltas khyim ni
202a₇ yongs su spang bar bya/ /'dren pa rnams kyi bstan la dga' byed pa/ /ma btab ma rmos bde dang yid bde'i rgyu/ /sdug bsngal mang po'i rtsa ba khyim 'di la/ /blun po dga' yi mkhas pa gzhar mi dga'/ /pags pa chu rgyus sha dang rus pa'i lus/ /'di ni nga yi chung ma

_{iiif viewer powered by OpenSeadragon}

201b - 202b

Texts on this page