| e-texts navigator |
| བོད་ཡིག |
201b1 bzhin gshegs pa de ni 'byung ba'i tshe/ /sa 'di gser gyis rab tu gang bar 'gyur/ /de yi tshe na de ni ga las 'byung / /'dod pa'i yon tan lnga dag 'byung ba ste/ /pa'i chos can 'khrul byed rmongs par byed/ /dper na sos ka'i nyi ma gung dus na/ /smig rgyur
201b2 chur snang 'dod pa de bzhin no/ /bskal pa gcig lon nas ni 'jig rten 'di/ /nam mkha'i rang bzhin nam mkhar 'gyur bar 'ong / /lhun po dag kyang 'tshig cing rnam par 'jig /de dag gang nas 'ongs shing gang du 'gro/ /chu mig mtshe'u dang rdzing dang rgya mtsho rnams/ /de
201b3 dag med 'gyur skams 'gyur 'byung bar 'gyur/ /de bzhin 'dod pa gsog ste snying po med/ /mkhas pa su zhig de la dga' bar byed/ /mkhas pa gang dag blo yi stobs ldan pa/ /de dag rtag tu khyim gyi skyon la rtog /'di la ro myong byed pa su yod na/ /'di dag ci
201b4 phyir khyim ni spong mi byed/ /'dren ma'i las kyis longs spyod tshol byed cing / /bu dang de bzhin chung ma gso bar byed/ /shin tu sdug bsngal gyur pa de dus na/ /bu dang chung ma skyabs su 'gyur ma yin/ /ji ltar sna tshogs las byas blangs pa bzhin/ /bu dang chung ma
201b5 dag kyang 'dor bar 'gyur/ /bdag nyid gcig pus sdug bsngal myong bar 'ong / /de dag de tshe bdag gi skal mi len/ /mya ngan rnams kyis bde phyir de dag blangs/ /'di na de dag sdug bsngal mya ngan 'gyur/ /srid gsum 'jigs pa 'di na bshes kyang med/ /de
201b6 bzhin bu dang chung ma rtsa lag med/ /pha ma spun dang bu dang chung ma dang / /bran dang nor dang rtsa lag tshogs kyi rnams/ /shi ba'i gshin phyir de dag 'gro ba med/ /las rnams rjes su 'brang zhing byis pa 'gro/ /las ni rjes su 'brang zhing mi kun 'dong / /las kyis
201b7 gnas pa 'jig rten rnam par rgyu/ /skye 'di las kyi bdag nyid rig gyur nas/ /mkhas pa dag ni dge ba'i las rnams byed/ /mnar med song tshe de dag skyabs min pas/ /pha ma spun dang snying sdug bu rnams dang / /rtsa lag nye du snag gi gnyen mtshams dang / /de dag
iiif viewer powered by OpenSeadragon
Texts on this page
D72 - 'phags pa khyim bdag dpas byin gyis zhus pa zhes bya ba theg pa chen po'i mdo